Biełaruskija chirurhi praviali paśpiachovuju transpłantacyju lohkich pacyjentu z chvarobaj serca i imunadeficytam
Biełaruskija lekary ŭpieršyniu ŭ krainach SND praviali ŭnikalnuju apieracyju — transpłantacyju lohkich pacyjentu z Uźbiekistana, jaki mieŭ taksama ciažkaje zachvorvańnie serca i imunadeficyt. Jašče niekalki tydniaŭ tamu chłopiec nie moh samastojna chadzić i žyŭ tolki dziakujučy pastajannaj kisłarodnaj padtrymcy, ale siońnia jon užo adčuvaje siabie lepš i rychtujecca da vypiski, piša BiełTA.
Da pastupleńnia ŭ Minski navukova-praktyčny centr chirurhii, transpłantałohii i hiematałohii chłopiec byŭ u vielmi ciažkim stanie: asłableny, z deficytam vahi, ź niebiaśpiečnaj infiekcyjaj u lohkich i zaležnaściu ad kisłarodnaha kancentratara. Jon amal nie moh ruchacca samastojna. Lekary aceńvali jaho šancy na vyratavańnie tolki ŭ 15—20%.
Spačatku pacyjenta padklučyli da sistemy ekstrakarparalnaj miembrannaj aksihienacyi (EKMA), kab padtrymać žyćciovyja funkcyi. Potym było pryniata składanaje rašeńnie pravodzić apieracyju, jakaja ŭklučała dva etapy: kardyjachirurhičny i transpłantacyjny.
Spačatku kardyjachirurhi vypravili pryrodžanuju anamaliju serca — tak zvanaje «trochpieradserdnaje serca», a taksama zrabili płastyku pieraharodki pamiž pieradserdziami. Paśla hetaha tarakalnyja chirurhi praviali transpłantacyju donarskich lohkich.
Dadatkovaj składanaściu było toje, što pacyjent ź dziacinstva žyŭ ź VIČ-infiekcyjaj. U śviecie viadomyja vypadki transpłantacyi nyrak, piečani i navat serca ŭ ludziej ź VIČ, ale apieracyi pa pierasadcy lohkich u takich pacyjentaŭ — vialikaja redkaść. Heta patrabavała asablivaj padrychtoŭki, padboru lekaŭ i kamandnaj pracy infiekcyjanistaŭ, kardyjachirurhaŭ i transpłantołahaŭ.
Niahledziačy na ŭsie ryzyki, apieracyja prajšła paśpiachova. Siońnia chłopiec adčuvaje siabie značna lepš: jon moža dychać biez aparataŭ i rychtujecca da viartańnia va Uźbiekistan. Biełaruskija daktary nazyvajuć hety vypadak vyklučnym navat u suśvietnaj praktycy, bo jon spałučaŭ vielmi składanuju kambinacyju patałohij, a stanoŭčy vynik staŭ mahčymy dziakujučy vopytu i prafiesijnaj mužnaści kamandy.
U Minsku stvorać try centry ekstrannaj miedycynskaj dapamohi
«Razłamaŭsia pazvanok». U Hrodnie padletak pajšoŭ skakać na batutach — i ciapier nie adčuvaje ni ruk, ni noh
U Kalinkavičach zakryli radzilnaje adździaleńnie — kab naradzić, treba jechać u inšy rajon
Fejśfitnes i nitki dla padciažki tvaru nie pracujuć — płastyčny chirurh tłumačyć čamu
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju3
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary