Minzdaroŭja: Novy padvid karanavirusa «stratus» aktyŭna zajmaje nišu ŭ Biełarusi
Razam z tym situacyja ŭ vostrymi reśpiratornymi zachvorvańniami ŭ vieraśni fiksujecca na ŭzroŭni siarednich pakazčykaŭ za apošnija dva hady, skazała namieśnik ministra achovy zdaroŭja — hałoŭny sanitarny doktar Biełarusi Śviatłana Niačaj.
U vieraśni tradycyjna adznačajecca rost zachvorvańniaŭ vostrymi reśpiratornymi virusnymi infiekcyjami, i ciapierašni miesiac nie źjaŭlajecca vyklučeńniem Pryčyn dla hetaha dastatkova šmat — i farmiravańnie novych kalektyvaŭ u dziciačych daškolnych ustanovach, škołach, vyšejšych i siarednich navučalnych ustanovach. Suajčyńniki viartajucca z adpačynkaŭ ź blizkaha i dalokaha zamiežža.
Fiksujucca tradycyjnyja niehrypoznyja virusy: rynavirusy, adenavirusy, reśpiratorna-sincytyjalny virus, karanavirusy, uklučajučy SARS-CoV-2, jaki ŭžo staŭ siezonnym, u tym liku «stratus», što aktyŭna zajmaje svaju nišu ŭ Biełarusi. Novy padvaryjant amikrona nie vyklikaje ciažkaha praciakańnia zachvorvańnia.
Zaznačym, što ŭ Biełarusi ź leta 2022 hoda nie raskryvajecca statystyka pa kavidzie.
Praviadzieńnie jakich-niebudź abmiežavalnych mierapryjemstvaŭ, u tym liku ŭ dziciačych arhanizavanych kalektyvach, nie patrabujecca. U aptečnaj sietcy i va ŭstanovach achovy zdaroŭja jość usio nieabchodnaje dla akazańnia miedycynskaj dapamohi jak u ambułatornych, tak i ŭ stacyjanarnych umovach.
Miery prafiłaktyki ŭsim dobra viadomyja: pravietryvać pamiaškańnie, bolš znachodzicca na śviežym pavietry, apranacca pa nadvorji, užyvać sadavinu i harodninu, jakich ciapier dastatkova.
Vakcynacyju suprać hrypu rekamiendujecca zapłanavać na kastryčnik—listapad.
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?15
Kamientary