U Minsku dziejničajuć 19 katalickich chramaŭ. Płanujecca, što ŭ budučyni dla viernikaŭ adčyniać dźviery jašče dva kaścioły krokavaj dastupnaści, raskazaŭ «Minsk-Navinam» mitrapalit Minska-Mahiloŭski Juzaf Stanieŭski.
— U Minsku dziejničajuć 19 miescaŭ, kudy parafijanie mohuć pryjści pamalicca. Siarod ich jak tyja, što dastalisia nam ad prodkaŭ — kaścioł Śviatych Symona i Aleny, Archikafiedralny sabor imia Najśviaciejšaj Panny Maryi, kaścioł Śviatoha Rocha, tak i novaŭviedzienyja chramy: kaścioł Śviatoha Franciška Asizskaha, kaścioł Śviatoha Antonija Paduanskaha i inšyja, — adznačyŭ kiraŭnik Rymska-Katalickaj carkvy ŭ Biełarusi.
Arcybiskup źviarnuŭ uvahu, što 2026 hod maje vyklučnaje značeńnie dla viernikaŭ.
— U hetym hodzie adznačajecca 35‑hodździe adnaŭleńnia katalickich struktur. Heta dobraja nahoda, kab zhadać rolu kaścioła ŭ raźvićci biełaruskaha hramadstva, sumiesna ź dziaržaŭnymi i navukovymi strukturami vyznačyć dalejšyja pierśpiektyvy, a taksama raźvivać tak zvanyja kaścioły krokavaj dastupnaści. Płanujecca, što takija chramy źjaviacca ŭ Navinkach, Ždanovičach i niekatorych inšych mikrarajonach stalicy, — udakładniŭ Stanieŭski.
Ciapier čytajuć
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra3232
Kamientary