«Biełavija» admianiła rejs u Tel-Aviŭ. A ŭ Dochu adpraviać pusty samalot, jaki zabiare biełaruskich turystaŭ
Rejs u Tel-Aviŭ 5 sakavika admienieny praz zakryćcio nieba nad Izrailem. Avijacyjnyja ŭłady krainy padoŭžyli zabaronu na paloty nad terytoryjaj krainy da 6 sakavika 2026 hoda ŭ suviazi z abvastreńniem situacyi na Blizkim Uschodzie.
Z-za hetaha nacyjanalny avijapieravozčyk Biełarusi vymušany admianić rehularny rejs V2 747/748 pa maršrucie Minsk — Tel-Aviŭ — Minsk, jaki byŭ zapłanavany na 5 sakavika. Pra heta paviedamlaje aficyjny telehram-kanał «Biełavija».
Pasažyram prapanujuć dva varyjanty:
-
aformić poŭny zvarot koštu biletaŭ pa miescy ich nabyćcia;
-
pieranieści datu vyletu na bolš poźni termin.
Što tyčycca čartarnaha rejsa B29301 Minsk — Docha (Katar), zapłanavanaha na 2 sakavika, jon budzie vykanany biez pasažyraŭ, pa ŭzhadnieńni z turapierataram. Zvarotnym rejsam B29302 Docha — Minsk avijakampanija razam z zakazčykam majuć namier vyvieźci biełaruskich turystaŭ, jakija ŭžo znachodziacca ŭ Dosie i čakajuć mahčymaści viarnucca dadomu.
Kampanija papiaredžvaje, što situacyja zastajecca niestabilnaj i infarmacyja, aktualnaja na siońniašni dzień, moža źmianicca z-za abmiežavańniaŭ na paloty na Blizkim Uschodzie. Pasažyraŭ prosiać samastojna sačyć za statusam svaich rejsaŭ na aficyjnym sajcie «Biełavija».
Ciapier čytajuć
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła1
Kamientary