Hramadstva1212

Rasijanka apublikavała ŭ Threads recept «samych smačnych» biełaruskich dranikaŭ. Biełarusy ŭ šoku

«Zapisvajcie praporcyi dla samych smačnych dranikaŭ, jak u Biełarusi», — napisała ŭ Threads karystalnica anya.tellme. Jašče nie viedajučy, na jaki tonki lod jana stupiła.

Aŭtarka dopisu śćviardžaje, što apublikavany joj recept aŭtentyčny, bo 

«Recept pryviezła maja mama ad svaich siaścior, jakija ŭsio žyćcio žyvuć u Biełarusi i viedajuć pra bulbu ŭsio!»

Adnak ža biełarusaŭ nadzvyčaj ździviła šmatlikaść inhredyjentaŭ, siarod jakich, aprača i ŭ ajčynnych internet-razborkach zaŭsiody sprečnaj muki, apynulisia taksama manka i masła.

U vyniku siarod bolš jak 500 kamientaroŭ amal niama pazityŭnych, pieravažnaja bolšaść — rezka pratesnyja. Prostaje «Heta nie draniki» ź ich samy miakki i ŭzvažany:

«Ania, vymušana vas zasmucić. Vašy ciotki nie viedajuć pra bulbu ničoha. Manka ŭ dranikach — heta śmiarotny hrech».

«Draniki — heta prosta tarkavanaja bulba na drobnaj tarcy i sol. Usio! A heta nie draniki, vas uviali ŭ zman».

«Adkryju tajamnicu. Nichto nie tre bulbu (dla dranikaŭ) u Biełarusi na bujnuju tarku».

«Žyvu ŭ Biełarusi. Sapraŭdnyja biełaruskija draniki — heta bulba i sol. Usio. Zrazumieła, u kožnaj siamji svoj recept. Jak i ŭ vašaj, padobna, svoj. Ale samy lepšy, smačny i papularny — heta prosta bulbu na tarcy pacierci, adcisnuć sok, dadać z hetaha soku kruchmał, jaki adstajaŭsia (jon źviazvaje i daje chrustkuju skarynačku), i dadać sol. Smažyć u haračym alei. Usio. Biez mudrahielistaściaŭ».

«U niekatorych miaścinach Biełarusi za dadavańnie muki ŭ draniki na viły sadžajuć. Pra manku ŭ dranikach nikoli nie čuŭ, heta ž nie syrniki».

«Mama darahaja, jašče i manka. Tut i muka pad pytańniem…»

«U jakoj vobłaści Biełarusi robiać takija bulbianyja hałuški? Ni manku, ni masła nie dadajuć u draniki… Recept na amatara. Heta nie draniki!»

«Manka ŭ draniki… Navat niemcy ŭ 42‑m tak nie lutavali!»

«Kali ščyra, navat mianie torknuła. Choć zvyčajna ja mima prachodžu, kali idzie srač za recepty dranikaŭ».

«Navat ja zrazumieła, što niešta tam niapravilna. Vidać, maje biełaruskija karani aburajucca».

«Ja dumaju, heta vielmi smačna, hatujcie i ježcie na zdaroŭje. Tolki nie nazyvajcie heta sapraŭdnymi biełaruskimi dranikami. Vy sami nie razumiejecie, na što vy zamachnulisia».

«Toje, što vaša siamja prydumała, heta varyjacyja babki ci niešta kala taho. Ale dakładna nie draniki…»

Kamientary12

  • chamsa ŭ tamaci
    14.04.2026
    miarkuju, u našych sialan i sol nie zaŭždy była... tamu sapraŭdnyja biełaruskija draniki mahli składacca tolki z bulby
  • 123
    14.04.2026
    Škada, što rva z krakadziłami nie majem z imi na miažy.
  • chamsa ŭ tamaci
    14.04.2026
    niešta ŭzhadała ja.., jak letaś... ci nie roŭna hod tamu.. vyvieźli ŭsiu bulbu i ŭvieś łuk u rasieju... stratehičnyja pradukty
    dobra, što nie vyvieźli jašče ŭsiu sol...

Ciapier čytajuć

U Vilni pakažuć rastruščany siłavikami biust Ivana Łuckieviča. Da 120‑hodździa «NN» Biełaruski muziej adkryvaje vystavu z unikalnymi ekspanatami4

U Vilni pakažuć rastruščany siłavikami biust Ivana Łuckieviča. Da 120‑hodździa «NN» Biełaruski muziej adkryvaje vystavu z unikalnymi ekspanatami

Usie naviny →
Usie naviny

Minčanie kupili pustujučuju chatu za 2300 rubloŭ i viartajuć jaje da žyćcia4

Čamu ŭsio novaje ciapier vyhladaje krychu vintažnym1

U Minsku pradajuć čarešni pa kaśmičnaj canie1

Vadzim Hałyhin: Ja krychu stamiŭsia ad humaru. Chočacca pasprabavać niešta inšaje8

U Mieksicy zatrymali adnaho z najbolš šukanych narkabaronaŭ — za infarmacyju pra jaho abiacali $5 młn

Ministr abarony Vialikabrytanii: Pucin chałodnakroŭny zabojca4

Pavieł Biełavus raskazaŭ, jak za kratami daviedaŭsia pra Nobieleŭskuju premiju Bialackaha

Na froncie znajšli zahinułym 25‑hadovaha biełarusa z pazyŭnym «Dekan»6

Rasija rekordnymi tempami pradaje zołata, a Polšča za apošnija hady kupiła jaho najbolš za ŭsich u Jeŭropie10

bolš čytanych navin
bolš łajkanych navin

U Vilni pakažuć rastruščany siłavikami biust Ivana Łuckieviča. Da 120‑hodździa «NN» Biełaruski muziej adkryvaje vystavu z unikalnymi ekspanatami4

U Vilni pakažuć rastruščany siłavikami biust Ivana Łuckieviča. Da 120‑hodździa «NN» Biełaruski muziej adkryvaje vystavu z unikalnymi ekspanatami

Hałoŭnaje
Usie naviny →

Zaŭvaha:

 

 

 

 

Zakryć Paviedamić