Błohier Maksomietr pierajechaŭ z Łatvii ŭ Biełaruś, kupiŭ dom biez tualeta i skardzicca, što nikomu tut nie patrebny

Maksomietr — ruskamoŭny błohier, prychilnik «Mužskoho dvižienija» (MD, supolnaść z patryjarchalnymi i žančynanienaviśnickimi pohladami). Na svaim jutub-kanale jon publikuje videa pra «pravilnyja» pavodziny ŭ adnosinach z žančynami.

Błohier naradziŭsia ŭ Kazachstanie, z trochhadovaha ŭzrostu žyŭ u Łatvii, maje łatvijskaje hramadzianstva, a jaho baćka — biełarus. U 2023 hodzie Maksomietr pierajechaŭ u Biełaruś, dzie atrymaŭ dazvoł na žycharstva pa sproščanaj pracedury jak etničny biełarus. Paśla pierajezdu jon staŭ hierojem siužetaŭ dziaržaŭnych ŚMI, u jakich raskazvaŭ pra ciažkaści žyćcia ŭ Łatvii i śćviardžaŭ, što ŭ hetaj krainie dyskryminujuć ruskamoŭnaje nasielnictva.

Raniej błohier raskazvaŭ, što kupiŭ u Biełarusi dom, jaki pastupova dobraŭparadkoŭvaje, a žyvie na ŭłasnyja źbieražeńni.

Niadaŭna Maksomietr apublikavaŭ novaje videa — jon niezadavoleny, što padpisčyki jamu mała danaciać.

Pa słovach Maksomietra, kali jon žyŭ u Łatvii, mieŭ vialikuju aŭdytoryju, ale vymušany byŭ źjechać nibyta z-za cisku z boku «ludziej u cyvilnym», jakija prapanoŭvali vykarystoŭvać papularnaść kanała dla krytyki ŭładaŭ Biełarusi i Rasii.

Jon raźličvaŭ, što paśla pierajezdu jaho rašeńnie aceniać hledačy, adnak atrymałasia naadvarot — finansavaja padtrymka amal źnikła.

«Da taho, jak ja źjechaŭ u Biełaruś, mnohija z vas pisali: «Maksomietr, bratan, pryjazdžaj da nas u Rasiju, u Biełaruś, tak, my tabie dapamožam, my tabie toje, my tabie heta». A nasamreč usio heta tufta. Nichto tabie nie dapamoža, nichto tabie ni ŭ čym… moža być, niejkaj paradaj, tak, moža być…» — narakaje błohier.

«I kali niekatoryja z vas kryŭdziacca na mianie, kažuć, što voś, Maksomietr, čamu ty nie zdymaješ roliki… Chłopcy, vy što, nie razumiejecie ci što? Da vas nie dachodzić ci što? Nu, to bok, b*****, pi***jec.

Ja — hramadzianin Łatvii, pierajechaŭ z Łatvii ŭ Biełaruś, ličy, na novaje miesca, mianie tut nichto nie čakaŭ. Razumiejecie? Kupiŭ dom biez vady, biez tualeta. Nu, dziakuj Bohu, zrabiŭ — i vadu pravioŭ, i tualet zrabiŭ i hetak dalej.

(…) Ja vielmi spadziavaŭsia, što vy heta acenicie. To bok vy acenicie toje, što ja pierajechaŭ z Łatvii ŭ Biełaruś, što ja na vašym baku. Razumiejecie?

U vyniku paśla majho pierajezdu ŭ Biełaruś vaša finansavaja padtrymka mianie jak błohiera źniziłasia praktyčna da nula. I potym vy kažacie: «Maksomietr, davaj jašče».

Pa słovach błohiera, jaho strymy hladziać 500—700 čałaviek, a «prylataje» ad 5 da 10 dołaraŭ maksimum. Pry hetym častka hledačoŭ paprakaje jaho za toje, što jon sam vučyć mužčyn nie dapamahać inšym.

Mienavita adsutnaściu materyjalnaj padtrymki Maksomietr tłumačyć i toje, čamu jaho kanał užo nie taki aktyŭny, jak niekalki hadoŭ tamu. Jon taksama pryznajecca, što «krychu rasčaravaŭsia naohuł u mužčynskaj aŭdytoryi».

«Asnoŭny natoŭp, dy praktyčna ŭvieś natoŭp, heta ŭ pryncypie ehaistyčnyja ludzi, jakija tabie, naohuł ničoha nie zrobiać, ničym nie dapamohuć. Navat rubla nie pieraličać, razumiejecie?

Ale pry hetym jašče buduć abražać ciabie, niedzie ŭ čatach siadzieć i razmaŭlać pra toje, jaki ty drenny, što ty im štości nie dadaŭ. Mužčyna nikomu ničoha nie pavinien. Ja vam taksama ničoha nie pavinien. Ja heta rabiŭ pa dabryni dušeŭnaj. I navat zaraz ja zdymaju hety rolik, moh by nie zdymać. Pa dabryni dušeŭnaj.

Ale raz takoje staŭleńnie, raz vy ličycie, što heta ŭsio pavinna być za tak, nu tady ja nie viedaju, chadzicie pa ŭsiakich błohierach, pa hrupach, tam, nie viedaju. Rabicie što chočacie», — vykazvaje kryŭdu Maksomietr.

• 1
• 1
• 66
• 8
• 0
• 0
• 0
• 0