Pad Łahojskam usiu noč šukali hrybnika, dniom jon sam vyjšaŭ ź lesu
Paviedamleńnie pra mužčynu, jaki zhubiŭsia ŭ lesie, pastupiła ŭ Łahojski RANS 9 žniŭnia ŭ 23:50. Mužčyna adpraviŭsia pa hryby razam z žančynaj u les kala vioski Zavišynskaja Rudnia, adnak padčas prahułki jany raźminulisia, piša Mlyn.by.
Žančyna viarnułasia dadomu, a mužčyna tak i nie źjaviŭsia. Zaniepakoiŭšysia, jana źviarnułasia ŭ milicyju. Nieŭzabavie ratavalniki pačali pošuki.
Pošuki praciahvalisia ŭsiu noč. Ranicaj 10 žniŭnia ratavalniki praciahnuli abśledavać les. U pošukavaj apieracyi zadziejničali 33 rabotnikaŭ MNS, sabaku, dva kvadracykły i dva kvadrakoptary. Da pošukaŭ taksama dałučylisia supracoŭniki milicyi.
Ratavalniki pračesvali les i padavali hukavyja sihnały, kab źnikły moh ich pačuć.
U 12:45 hrybnik samastojna vyjšaŭ da ratavalnikaŭ. Pavodle słoŭ śpiecyjalistaŭ, jon nakiravaŭsia na šum, jaki stvarali supracoŭniki MNS padčas pošukaŭ.
Mužčynu ahledzieli miedyki chutkaj dapamohi. Miedycynskaja dapamoha jamu nie spatrebiłasia.
Kamientary