Паведамленне пра мужчыну, які згубіўся ў лесе, паступіла ў Лагойскі РАНС 9 жніўня ў 23:50. Мужчына адправіўся па грыбы разам з жанчынай у лес каля вёскі Завішынская Рудня, аднак падчас прагулкі яны размінуліся, піша Mlyn.by.
Жанчына вярнулася дадому, а мужчына так і не з'явіўся. Занепакоіўшыся, яна звярнулася ў міліцыю. Неўзабаве ратавальнікі пачалі пошукі.
Пошукі працягваліся ўсю ноч. Раніцай 10 жніўня ратавальнікі працягнулі абследаваць лес. У пошукавай аперацыі задзейнічалі 33 работнікаў МНС, сабаку, два квадрацыклы і два квадракоптары. Да пошукаў таксама далучыліся супрацоўнікі міліцыі.
Ратавальнікі прачэсвалі лес і падавалі гукавыя сігналы, каб зніклы мог іх пачуць.
У 12:45 грыбнік самастойна выйшаў да ратавальнікаў. Паводле слоў спецыялістаў, ён накіраваўся на шум, які стваралі супрацоўнікі МНС падчас пошукаў.
Мужчыну агледзелі медыкі хуткай дапамогі. Медыцынская дапамога яму не спатрэбілася.
Каментары