Прэзідэнт Украіны Віктар Януковіч і апазіцыя дамовіліся прыняць закон аб амністыі, адмяніць законы 16 студзеня і разгледзець пытанне адказнасці ўрада, паведаміла член рабочай групы па ўрэгуляванні палітычнай сітуацыі, міністр юстыцыі Алена Лукаш.
У чарговым раўндзе перамоваў, што доўжыліся чатыры гадзіны, ад апазіцыі ўдзельнічалі Віталь Клічко, Алег Цягнібок, Арсень Яцанюк, ад улады — Віктар Януковіч, Алена Лукаш і першы намеснік кіраўніка Адміністрацыі прэзідэнта Андрэй Партноў.
Па выніках сустрэчы бакі прыйшлі да канцэптуальнай згоды прагаласаваць за Закон Украіны «Аб амністыі». Лукаш адзначае, што гэтым разам лідарам апазіцыі было ўказана «на недапушчальнасць падтрымкі радыкальных дзеянняў, захопаў памяшканняў і дарог».
«Патрабаванне нашага боку — неадкладная для гэтага закона ўмова: амністыя ўступіць у сілу толькі ў выпадку вызвалення ўсіх захопленых памяшканняў і аўтадарог. У адваротным выпадку тыя, хто здзейсніў правапарушэнне, амніставаныя не будуць», — сказала яна.
Таксама, па словах Лукаш, было прынята палітычнае рашэнне аб адмене прынятых 16 студзеня гэтага года законаў, якія выклікалі шматлікія дыскусіі.
«Але тыя законы, якія не выклікаюць заўваг, у аўторак будуць прынятыя парламентам зноў. Палажэнні законаў, што страцяць сілу заўтра, будуць апрацаваныя бакамі сумесна, каб адпавялі еўрапейскаму ўзроўню», — адзначыла яна.
Бакі абмеркавалі пытанні сумеснага ўдзелу ў Канстытуцыйнай рэформе і абавязковым супрацоўніцтве ў гэтым пытанні з еўрапейскімі інстытутамі. Таксама былі закранутыя пытанні рэферэндумнай працэдуры.
«Бакі дамовіліся аб уключэнні ў парадак дня пытання адказнасці ўрада. Арсень Яцанюк узначаліць Урад Украіны згоды не даў. Перамовы будуць працягнутыя», — адзначыла Лукаш.
Цяпер чытаюць
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў1010
Каментары