Prezident Ukrainy Viktar Janukovič i apazicyja damovilisia pryniać zakon ab amnistyi, admianić zakony 16 studzienia i razhledzieć pytańnie adkaznaści ŭrada, paviedamiła člen rabočaj hrupy pa ŭrehulavańni palityčnaj situacyi, ministr justycyi Alena Łukaš.
U čarhovym raŭndzie pieramovaŭ, što doŭžylisia čatyry hadziny, ad apazicyi ŭdzielničali Vital Kličko, Aleh Ciahnibok, Arsień Jacaniuk, ad ułady — Viktar Janukovič, Alena Łukaš i pieršy namieśnik kiraŭnika Administracyi prezidenta Andrej Partnoŭ.
Pa vynikach sustrečy baki pryjšli da kanceptualnaj zhody prahałasavać za Zakon Ukrainy «Ab amnistyi». Łukaš adznačaje, što hetym razam lidaram apazicyi było ŭkazana «na niedapuščalnaść padtrymki radykalnych dziejańniaŭ, zachopaŭ pamiaškańniaŭ i daroh».
«Patrabavańnie našaha boku — nieadkładnaja dla hetaha zakona ŭmova: amnistyja ŭstupić u siłu tolki ŭ vypadku vyzvaleńnia ŭsich zachoplenych pamiaškańniaŭ i aŭtadaroh. U advarotnym vypadku tyja, chto ździejśniŭ pravaparušeńnie, amnistavanyja nie buduć», — skazała jana.
Taksama, pa słovach Łukaš, było pryniata palityčnaje rašeńnie ab admienie pryniatych 16 studzienia hetaha hoda zakonaŭ, jakija vyklikali šmatlikija dyskusii.
«Ale tyja zakony, jakija nie vyklikajuć zaŭvah, u aŭtorak buduć pryniatyja parłamientam znoŭ. Pałažeńni zakonaŭ, što straciać siłu zaŭtra, buduć apracavanyja bakami sumiesna, kab adpaviali jeŭrapiejskamu ŭzroŭniu», — adznačyła jana.
Baki abmierkavali pytańni sumiesnaha ŭdziełu ŭ Kanstytucyjnaj reformie i abaviazkovym supracoŭnictvie ŭ hetym pytańni ź jeŭrapiejskimi instytutami. Taksama byli zakranutyja pytańni refierendumnaj pracedury.
«Baki damovilisia ab uklučeńni ŭ paradak dnia pytańnia adkaznaści ŭrada. Arsień Jacaniuk uznačalić Urad Ukrainy zhody nie daŭ. Pieramovy buduć praciahnutyja», — adznačyła Łukaš.
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary