Расійскія кадравыя вайскоўцы прымалі ўдзел у баявых дзеяннях на ўсходзе Украіны, а шматлікімі ваеннымі аперацыямі сепаратыстаў кіравалі расійскія генералы, заявіў у інтэрв'ю «Рускай службе Бі-бі-сі» камандзір аддзялення спецназу самаабвешчанай Данецкай народнай рэспублікі Дзмітрый Сапожнікаў.
Па словах Сапожнікава, Дэбальцава ўзялі толькі дзякуючы дапамозе з боку расійскай арміі. Дапамога расійскіх узброеных сіл ён назваў вырашальнай і адзначыў, што ўсімі буйнымі аперацыямі камандавалі расійскія генералы. Імёны расійскіх вайскоўцаў, што камандавалі аперацыяй па захопе Дэбальцава, Сапожнікаў называць не стаў, баючыся «шуму ў Расіі».
Ён таксама распавёў, што яму вядома аб прыкладна 300 замежных вайскоўцаў, узятых у палон падчас захопу Дэбальцава. Паводле яго слоў, гэта ў асноўным амерыканцы і еўрапейцы, большасць з іх снайперы. Шаўцоў кажа, што сам бачыў гэтых вайскоўцаў, але не кантактаваў з імі.
З боку ЛНР заходзілі танкі і расійскія падраздзяленні… Але я думаю, гэта ўжо не сакрэт, гэта ўсё ўжо прызнаюць, і расіяне прызнаюць. Я гляджу, і ў інтэрнэце вельмі шмат інфармацыі: прызналі тое, што расіяне служаць, іх частак вельмі шмат. Гэта значыць, у прынцыпе, я зараз не кажу гэта як сакрэтную інфармацыю.
У пачатку сакавіка 2015 «Новая газета» апублікавала інтэрв'ю з вайскоўцам расійскай арміі Доржы Батамункуевым, які распавёў аб удзеле ў баях за Дэбальцава. Па словах Батамункуева, яго танкавую частку - каля 300 чалавек, у асноўным бураты - адправілі на ўсход Украіны ў пачатку лютага для ўдзелу ў баях за Дэбальцава.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары