Rasijskija kadravyja vajskoŭcy prymali ŭdzieł u bajavych dziejańniach na ŭschodzie Ukrainy, a šmatlikimi vajennymi apieracyjami sieparatystaŭ kiravali rasijskija hienierały, zajaviŭ u intervju «Ruskaj słužbie Bi-bi-si» kamandzir adździaleńnia śpiecnazu samaabvieščanaj Danieckaj narodnaj respubliki Dźmitryj Sapožnikaŭ.
Pa słovach Sapožnikava, Debalcava ŭziali tolki dziakujučy dapamozie z boku rasijskaj armii. Dapamoha rasijskich uzbrojenych sił jon nazvaŭ vyrašalnaj i adznačyŭ, što ŭsimi bujnymi apieracyjami kamandavali rasijskija hienierały. Imiony rasijskich vajskoŭcaŭ, što kamandavali apieracyjaj pa zachopie Debalcava, Sapožnikaŭ nazyvać nie staŭ, bajučysia «šumu ŭ Rasii».
Jon taksama raspavioŭ, što jamu viadoma ab prykładna 300 zamiežnych vajskoŭcaŭ, uziatych u pałon padčas zachopu Debalcava. Pavodle jaho słoŭ, heta ŭ asnoŭnym amierykancy i jeŭrapiejcy, bolšaść ź ich snajpiery. Šaŭcoŭ kaža, što sam bačyŭ hetych vajskoŭcaŭ, ale nie kantaktavaŭ ź imi.
Z boku ŁNR zachodzili tanki i rasijskija padraździaleńni… Ale ja dumaju, heta ŭžo nie sakret, heta ŭsio ŭžo pryznajuć, i rasijanie pryznajuć. Ja hladžu, i ŭ internecie vielmi šmat infarmacyi: pryznali toje, što rasijanie słužać, ich častak vielmi šmat. Heta značyć, u pryncypie, ja zaraz nie kažu heta jak sakretnuju infarmacyju.
U pačatku sakavika 2015 «Novaja hazieta» apublikavała intervju z vajskoŭcam rasijskaj armii Doržy Batamunkujevym, jaki raspavioŭ ab udziele ŭ bajach za Debalcava. Pa słovach Batamunkujeva, jaho tankavuju častku - kala 300 čałaviek, u asnoŭnym buraty - adpravili na ŭschod Ukrainy ŭ pačatku lutaha dla ŭdziełu ŭ bajach za Debalcava.
Ciapier čytajuć
U rasijskaj armii biełaruskaha najomnika paviesili na drevie ŭniz hałavoj i bili pałkaj pa hienitalijach9
Kamientary