Мінчанка паскардзілася сенатару Румо, што Дзед Мароз у спектаклі для школьнікаў выглядаў гомасэксуальна
Член Савета рэспублікі доктар Алег Румо сустрэўся з гараджанамі ў адміністрацыі Маскоўскага раёна, перадае карэспандэнт агенцтва «Мінск-Навіны».
Першымі прыйшлі мама з дачкой. Дзяўчынку яна пакінула за дзвярыма, а сама прысела насупраць Алега Румо.
— Што ж вы дзіця пакінулі за парогам? — пасля прывітання пацікавіўся член Савета Рэспублікі.
— Ой, у мяне пытанне проста вельмі далікатнае, — адказала маці. — Мяне завуць Юлія Аляксандраўна, я б хацела паведаміць, што некаторыя замежныя грамадскія арганізацыі займаюцца ў Беларусі адкрытай прапагандай нетрадыцыйных сэксуальных адносін. Прычым у гэтую дзейнасць актыўна завабліваюць школьных сацыяльных педагогаў. Напрыклад, нядаўна ў школах распаўсюджваліся квіткі на спектакль «Заечы паход пад Новы год». Пастаноўка мне падалася занадта нестандартнай: Дзед Мароз асабіста мне здаўся нейкім гомасэксуалам, а ваўкі адплясвалі ў спадніцах.
У пацверджанне сваіх слоў яна паказала некалькі відэазапісаў са спектакля. На адным дзеткам нешта вяшчаў мужчына, падобны сваім зялёным касцюмам на чараўніка Смарагдавага горада Гудвіна. На другім — прадстаўнікі моцнага полу танчылі ў балетных пачках.
Юлія Аляксандраўна прапанавала адправіць у турму ўсе сэксуальныя меншасці, адзначыўшы, што так рабіў Сталін.
За паўгадзіны жанчына так і не змагла выразна сказаць, чаго менавіта дамагаецца ад Алега Румо.
«Я проста хацела прыцягнуць вашу ўвагу да гэтай праблемы. Дзякуй, што выслухалі і прынялі да ўвагі», — падсумавала Юлія Аляксандраўна.
-
«Беларуская Барбі» Кацярына Коба выйшла замуж у Швейцарыі. Імаверна, за таямнічага расійскага мультымільянера
-
«У Вайноны Райдэр велізарныя грудзі. І яна пастаянна хацела займацца каханнем. Гэта стамляла»
-
Украінская мадэль згуляла з грузінскім бізнэсменам вяселле ў Канах на 5 мільёнаў еўра. Вядучымі былі Яўген Перлін і Максім Галкін
Цяпер чытаюць
Галоўным спікерам Жаночага форуму ў Мінску стане расійскі крынджовы псіхолаг, які расказваў пра «памяць жаночых палавых губ»12
Каментары