Minčanka paskardziłasia sienataru Rumo, što Dzied Maroz u śpiektakli dla školnikaŭ vyhladaŭ homaseksualna
Člen Savieta respubliki doktar Aleh Rumo sustreŭsia z haradžanami ŭ administracyi Maskoŭskaha rajona, pieradaje karespandent ahienctva «Minsk-Naviny».
Pieršymi pryjšli mama z dačkoj. Dziaŭčynku jana pakinuła za dźviaryma, a sama prysieła nasuprać Aleha Rumo.
— Što ž vy dzicia pakinuli za paroham? — paśla pryvitańnia pacikaviŭsia člen Savieta Respubliki.
— Oj, u mianie pytańnie prosta vielmi dalikatnaje, — adkazała maci. — Mianie zavuć Julija Alaksandraŭna, ja b chacieła paviedamić, što niekatoryja zamiežnyja hramadskija arhanizacyi zajmajucca ŭ Biełarusi adkrytaj prapahandaj nietradycyjnych seksualnych adnosin. Pryčym u hetuju dziejnaść aktyŭna zavablivajuć školnych sacyjalnych piedahohaŭ. Naprykład, niadaŭna ŭ škołach raspaŭsiudžvalisia kvitki na śpiektakl «Zaječy pachod pad Novy hod». Pastanoŭka mnie padałasia zanadta niestandartnaj: Dzied Maroz asabista mnie zdaŭsia niejkim homaseksuałam, a vaŭki adplasvali ŭ spadnicach.
U paćvierdžańnie svaich słoŭ jana pakazała niekalki videazapisaŭ sa śpiektakla. Na adnym dzietkam niešta viaščaŭ mužčyna, padobny svaim zialonym kaściumam na čaraŭnika Smarahdavaha horada Hudvina. Na druhim — pradstaŭniki mocnaha połu tančyli ŭ baletnych pačkach.
Julija Alaksandraŭna prapanavała adpravić u turmu ŭsie seksualnyja mienšaści, adznačyŭšy, što tak rabiŭ Stalin.
Za paŭhadziny žančyna tak i nie zmahła vyrazna skazać, čaho mienavita damahajecca ad Aleha Rumo.
«Ja prosta chacieła pryciahnuć vašu ŭvahu da hetaj prablemy. Dziakuj, što vysłuchali i pryniali da ŭvahi», — padsumavała Julija Alaksandraŭna.
Kamientary