Навукоўцы: У канцы 21 стагоддзя людзі, магчыма, будуць жыць да 130 гадоў
Чалавецтва знаходзіцца на мяжы таго, каб жыць больш за 130 гадоў. Пра гэта сведчаць даныя з новага даследавання, зробленага навукоўцамі Вашынгтонскага ўніверсітэта.
Ужо некалькі дзесяцігоддзяў расце колькасць людзей, што жывуць даўжэй за сто гадоў. Па стане на гэты год іх колькасць дасягнула прыкладна паўмільёна. Аднак людзей, якія дажываюць да 110 гадоў, нашмат менш.
Францужанка Жанна Кальман, старэйшая з людзей, што калі-небудзь жылі на Зямлі, памерла ў 1997 годзе ва ўзросце 122 гадоў. Сёння старэйшым чалавекам на планеце лічыцца 118-гадовая японка Канэ Танака. Але навукоўцы лічаць, што выпадкі такога доўгажыхарства з цягам часу будуць сустракацца ўсё часцей, і людзі будуць дажываць да 125 ці нават да 130 гадоў, піша Daily Mail.
Тым не менш, навукоўцы не патлумачылі, наколькі часта будзе сустракацца такое доўгажыхарства.
Каб вылічыць магчымасць таго, што людзі будуць жыць даўжэй за 110 год, эксперты карысталіся інфармацыяй з міжнароднай базы даных па доўгажыхарстве, створанай у інстытуце Макса Планка. У гэтай базе захоўваецца інфармацыя пра ўсіх людзей, хто пражыў больш за 110 гадоў, з дзесяці еўрапейскіх краін, а таксама з Канады, Японіі і ЗША.
Зараз такія выпадкі — гэта адхіленні ад агульнай статыстыкі, таму толькі калі іх колькасць моцна вырасце, можна будзе казаць пра тое, што людзі ў цэлым стануць жыць даўжэй. На сёння, як лічаць навукоўцы, гэта не немагчыма.
Цяпер чытаюць
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам1
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў55
Каментары