Navukoŭcy: U kancy 21 stahodździa ludzi, mahčyma, buduć žyć da 130 hadoŭ
Čałaviectva znachodzicca na miažy taho, kab žyć bolš za 130 hadoŭ. Pra heta śviedčać danyja z novaha daśledavańnia, zroblenaha navukoŭcami Vašynhtonskaha ŭniviersiteta.
Užo niekalki dziesiacihodździaŭ raście kolkaść ludziej, što žyvuć daŭžej za sto hadoŭ. Pa stanie na hety hod ich kolkaść dasiahnuła prykładna paŭmiljona. Adnak ludziej, jakija dažyvajuć da 110 hadoŭ, našmat mienš.
Francužanka Žanna Kalman, starejšaja ź ludziej, što kali-niebudź žyli na Ziamli, pamierła ŭ 1997 hodzie va ŭzroście 122 hadoŭ. Siońnia starejšym čałaviekam na płaniecie ličycca 118-hadovaja japonka Kane Tanaka. Ale navukoŭcy ličać, što vypadki takoha doŭhažycharstva ź ciaham času buduć sustrakacca ŭsio čaściej, i ludzi buduć dažyvać da 125 ci navat da 130 hadoŭ, piša Daily Mail.
Tym nie mienš, navukoŭcy nie patłumačyli, nakolki časta budzie sustrakacca takoje doŭhažycharstva.
Kab vyličyć mahčymaść taho, što ludzi buduć žyć daŭžej za 110 hod, ekśpierty karystalisia infarmacyjaj ź mižnarodnaj bazy danych pa doŭhažycharstvie, stvoranaj u instytucie Maksa Płanka. U hetaj bazie zachoŭvajecca infarmacyja pra ŭsich ludziej, chto pražyŭ bolš za 110 hadoŭ, ź dziesiaci jeŭrapiejskich krain, a taksama z Kanady, Japonii i ZŠA.
Zaraz takija vypadki — heta adchileńni ad ahulnaj statystyki, tamu tolki kali ich kolkaść mocna vyraście, možna budzie kazać pra toje, što ludzi ŭ cełym stanuć žyć daŭžej. Na siońnia, jak ličać navukoŭcy, heta nie niemahčyma.
Čamu YouTube vydaliŭ kanały BiełTA, STB i ANT? Voś što viadoma11
Kamientary