На Дні горада Гомеля 11 верасня фермер Ігар Грынько быў сапраўдным хэдлайнерам. Не музычным, а гаспадарным. Яго прадукцыю куплялі, з ёй фатаграфаваліся, ёй здзіўляліся. І праўда, найбольшыя кавуны з бахчы Ігара важылі каля сарака кілаграмаў, а гарбузы давялося спускаць на зямлю з машыны пад’ёмнікам.
«Чатырыста кілаграм гарбуз — глыба, сонечны валун. Вочы адмаўляюцца верыць у такі плод! Гарадская дзятва, па сутнасці, займалася тут альпінізмам, узбіраючыся на гарбузы фермера», — піша «Народная воля».
— Сем гадоў займаюся вырошчваннем кавуноў. Сёлета вырасціў іх тон трыста, — распавёў Ігар.
Кавуны фермер прадаваў па 80 капеек за кілаграм. На рынку яны цяпер — 1,2 рубля.
Цяпер чытаюць
Шрайбман з калегамі прапанавалі пакрокавы план дээскалацыі адносін Беларусі і ЕС53
Каментары