Кіраўнік МЗС Украіны Кулеба: Расія гуляе са светам у «Галодныя гульні», і ёй гэта дазволілі
Кіраўнік МЗС Украіны Дзмітрый Кулеба ў звароце да ўдзельнікаў саміта G20, які праходзіць гэтымі днямі на інданезійскім востраве Балі, заявіў, што Расія гуляе з усім светам у «Галодныя гульні».
Міжнародная супольнасць не павінна была дапусціць сітуацыі, пры якой Расія шантажуе ўвесь свет цэнамі на энергарэсурсы і харчаванне, а таксама пагрозамі бяспекі, сказаў Кулеба па відэасувязі.
«Па сутнасці, Расія гуляе са светам у «Галодныя гульні», адной рукой утрымліваючы марскую блакаду ўкраінскіх партоў, а другой перакладаючы віну за гэта на Украіну. Расія разглядае залежнасць іншых краін ад любых відаў рэсурсаў як слабасць і запрашэнне выкарыстоўваць гэтую залежнасць у якасці рычага для атрымання выгады для Расіі», — заявіў кіраўнік украінскага МЗС.
Ён нагадаў, што Украіна дзесяцігоддзямі грала важную ролю ў сферы глабальнай харчовай бяспекі. А цяпер, сказаў ён, краіна падвяргаецца нападу, бамбардзіроўкам і марадзёрству.
«Мы даём Штатам тое, што яны хочуць». Расійскі канал апублікаваў відэа, якое называюць запісам Рыжанкова схаванай камерай у машыне14
Каментары