У КУП «Мінская спадчына» падкрэслілі, што ў абставінах, якія склаліся, выконваць абавязацельствы, прапісаныя ў дагаворы, немагчыма. Паводле арганізацыі, комплекс будынкаў Чырвонага касцёла выведзены з эксплуатацыі на час правядзення рамонтна-аднаўленчых работ.
«У цяперашні час у Чырвоным касцёле праводзяцца мерапрыемствы па абследаванні канструкцый будынка, якія пашкоджаныя ў выніку ўзгарання, абследаванні інжынерных сетак. У будынку адключанае электра-, цепла -, водазабеспячэнне. Усе гэтыя сістэмы патрабуюць рамонтна-аднаўленчых работ, пералік якіх вызначаць пасля правядзення дэталёвага абследавання, па выніках якога будзе распрацаваная праектная дакументацыя і выкананыя адпаведныя работы», — растлумачыў дырэктар прадпрыемства Аляксандр Кохан.
Ён адзначыў, што ў абставінах, якія склаліся, выконваць абавязацельствы, прапісаныя ў дамове паміж «Мінскай спадчынай» і рэлігійнай суполкай, немагчыма. Таму кіраўніцтву парафіі было накіравана апавяшчэнне аб тым, што трэба вызваліць памяшканне касцёла для правядзення рамонтных работ.
Мінгарвыканкам таксама нагадаў, што комплекс будынкаў Чырвонага касцёла знаходзіцца ва ўласнасці дзяржавы, гэта аб'ект гісторыка-культурнай спадчыны Беларусі. А паміж КУП «Мінская спадчына» і рэлігійнай суполкай «Рымска-каталіцкая парафія Святога Сымона і Святой Алены», маўляў, заключаная дамова безаплатнага карыстання.
Чытайце таксама:
Улады забіраюць у вернікаў Чырвоны касцёл. Што будзе далей?
Не толькі Чырвоны касцёл. Улады закрылі школу пры каталіцкім Хрысціянскім сацыяльным цэнтры ў Мінску
Герой Беларусі Марына Васілеўская нарадзіла дачку ад касманаўта Алега Навіцкага16
Каментары