U KUP «Minskaja spadčyna» padkreślili, što ŭ abstavinach, jakija skłalisia, vykonvać abaviazacielstvy, prapisanyja ŭ dahavory, niemahčyma. Pavodle arhanizacyi, kompleks budynkaŭ Čyrvonaha kaścioła vyviedzieny z ekspłuatacyi na čas praviadzieńnia ramontna-adnaŭlenčych rabot.
«U ciapierašni čas u Čyrvonym kaściole pravodziacca mierapryjemstvy pa abśledavańni kanstrukcyj budynka, jakija paškodžanyja ŭ vyniku ŭzharańnia, abśledavańni inžyniernych sietak. U budynku adklučanaje elektra-, ciepła -, vodazabieśpiačeńnie. Usie hetyja sistemy patrabujuć ramontna-adnaŭlenčych rabot, pieralik jakich vyznačać paśla praviadzieńnia detalovaha abśledavańnia, pa vynikach jakoha budzie raspracavanaja prajektnaja dakumientacyja i vykananyja adpaviednyja raboty», — rastłumačyŭ dyrektar pradpryjemstva Alaksandr Kochan.
Jon adznačyŭ, što ŭ abstavinach, jakija skłalisia, vykonvać abaviazacielstvy, prapisanyja ŭ damovie pamiž «Minskaj spadčynaj» i relihijnaj supołkaj, niemahčyma. Tamu kiraŭnictvu parafii było nakiravana apaviaščeńnie ab tym, što treba vyzvalić pamiaškańnie kaścioła dla praviadzieńnia ramontnych rabot.
Minharvykankam taksama nahadaŭ, što kompleks budynkaŭ Čyrvonaha kaścioła znachodzicca va ŭłasnaści dziaržavy, heta abjekt historyka-kulturnaj spadčyny Biełarusi. A pamiž KUP «Minskaja spadčyna» i relihijnaj supołkaj «Rymska-katalickaja parafija Śviatoha Symona i Śviatoj Aleny», maŭlaŭ, zaklučanaja damova biezapłatnaha karystańnia.
Čytajcie taksama:
Ułady zabirajuć u viernikaŭ Čyrvony kaścioł. Što budzie dalej?
Nie tolki Čyrvony kaścioł. Ułady zakryli škołu pry katalickim Chryścijanskim sacyjalnym centry ŭ Minsku
Ciapier čytajuć
Kamientary