Грамадства22

Не толькі Чырвоны касцёл. Улады закрылі школу пры каталіцкім Хрысціянскім сацыяльным цэнтры ў Мінску

Пра закрыцьцё адукацыйнай арганізацыі, якая фарматам падобная да групы падоўжанага дня або прыватнай школы ці садка, паведаміў «Свабодзе» прэс-сакратар Беларускага каталіцкага касьцёла айцец Юрый Санько.

Хрысціянскі сацыяльны цэнтр — рэлігійная арганізацыя, якая падпарадкоўваецца кіраўніку Каталіцкай царквы ў Беларусі. У ім ёсць капліца, жылыя пакоі для ксяндзоў, а таксама прыватная каталіцкая школа. Але сюды хадзілі вучыцца дзеці не толькі з каталіцкіх сем’яў. Школа працавала з 2018 года, яе наведвалі дзясяткі дзяцей дашкольнага і школьнага ўзросту.

Як раней распавядалі ў цэнтры, туды прымалі і мусульман, і атэістаў. Перацягваць у сваю канфесію там было забаронена.

Пра рашэнне ўладаў закрыць школу Хрысціянскага сацыяльнага цэнтра ў Мінску з 30 жніўня 2022 года паведаміў «Свабодзе» прэс-сакратар Канферэнцыі каталіцкіх біскупаў Беларусі ксёндз Юрый Санько.

Вядома, што 5 верасня каля будынку хрысціянскага цэнтра, дзе працуе яго дырэктарка, сястра Часлава Навіцкая і жыве арцыбіскуп Кандрусевіч, стаяла міліцыя, правярала, ці няма там заняткаў.

Сястра Часлава Навіцкая

Крыніцы «Свабоды» пацвердзілі, што закрылі сацыяльную і адукацыйную часткі, а не сам цэнтр, дзе знаходзіцца капліца і жывуць святары.

Цэнтр мае назву «Місія добрага самараніна». Адукацыйная ўстанова тут фарматам падобная да групы падоўжанага дня або прыватнай школы ці садка. Дзеці наведвалі мастацкія, музычныя, танцавальныя, тэатральныя заняткі. Дзеці школьнага ўзросту вывучалі матэматыку, мовы, гісторыю ды ўсе навукі, якія выкладаюць у звычайнай школе. Кожнае дзіця мела свой асабісты расклад.

Хрысціянскі сацыяльны цэнтр у Мінску

Што асаблівага было ў цэнтры:

  • усё на беларускай мове.
  • Заняткі пачынаюцца з агульнай кароткай малітвы. У кабінетах ёсць абразы, крыжы. Замест «Добры дзень!» вітаюцца «Хвала Хрысту!» У будынку месціцца капліца, куды ходзяць на богаслужэнні.
  • Групы невялікія.
  • Цэнтр працуе на ахвяраванні бацькоў і дабрачынцаў, няма датацый дзяржавы. У кожным выпадку сума абмяркоўваецца індывідуальна. Большасць грошай ідзе на падаткі і абслугоўванне будынка.

Асяродак будаваўся за сродкі нямецкай дабрачыннай арганізацыі Renovabis, шматлікіх ахвярадаўцаў і памочнікаў.

Каментары2

  • Міхал
    06.10.2022
    Вядома ж, там жа замест партрэта праваслаўнага атэіста на сцяне вісеў святы крыж.
  • Дд.Бонэм
    06.10.2022
    Супраць усяго беларускага...

Цяпер чытаюць

Памерла 45-гадовая экс-палітзняволеная Тамара Каравай. Летась яе вызвалілі па памілаванні10

Памерла 45-гадовая экс-палітзняволеная Тамара Каравай. Летась яе вызвалілі па памілаванні

Усе навіны →
Усе навіны

Пад Растовам з палігона збеглі 10 зэкаў, якія завербаваліся на вайну1

Капуцын з парку дзікай прыроды стаў новай зоркай кітайскіх сацсетак

Кныровіч: «Удзел у блоку Пракоп’ева-Ягорава платны». Чаму і на што ідуць грошы?6

«Я не ведаю, якое ў Беларусі грамадзянства правільнае». Расійскі брамнік гуляў за зборную Беларусі без пашпарта1

Памёр віцебскі журналіст і пісьменнік Сяргей Рублеўскі

Гарадзенца асудзілі на 13 гадоў за вымаганне ў айцішніка крыптавалюты на мільярд рублёў1

Перамір'е Расіі і Украіны дае шанец на перазагрузку і ў Беларусі36

Беларуска заказала на Wildberries 34 купальнікі і атрымала хвалю нянавісці ў сацсетках20

Мінчанка нарадзіла першае дзіця ў 54 гады

больш чытаных навін
больш лайканых навін

Памерла 45-гадовая экс-палітзняволеная Тамара Каравай. Летась яе вызвалілі па памілаванні10

Памерла 45-гадовая экс-палітзняволеная Тамара Каравай. Летась яе вызвалілі па памілаванні

Галоўнае
Усе навіны →

Заўвага:

 

 

 

 

Закрыць Паведаміць