Еўрапарламент прагаласаваў за стварэнне міжнароднага трыбунала для Пуціна і Лукашэнкі
Еўрапарламент прагаласаваў за стварэнне спецыяльнага міжнароднага трыбунала для расследавання ваенных злачынстваў рэжымаў Расіі і Беларусі.
«За» рэзалюцыю прагаласавалі 472 дэпутаты, «супраць» — толькі 19.
«Адзначаецца, што ён павінен расследаваць не толькі Пуціна і кіраўніцтва РФ, але таксама Лукашэнку і кіраўніцтва рэжыму ў Беларусі», — адзначыў у сваім твітары журналіст радыё «Свабода» ў Бруселі Рыкард Ёзвяк.
У рэзалюцыі Еўрапарламента гаворыцца, што паўнамоцтвы трыбунала павінны дазваляць яму прыцягнуць да адказнасці не толькі Уладзіміра Пуціна, вайсковае і палітычнае кіраўніцтва Расіі, але і Аляксандра Лукашэнкі, а таксама вайсковае і палітычнае кіраўніцтва Беларусі, «як дзеяздольнай дзяржавы, з тэрыторыі якой і пры матэрыяльна-тэхнічнай падтрымцы якой Расійская Федэрацыя вядзе сваю агрэсіўную вайну супраць Украіны».
Варта адзначыць, што гэта «неабавязваючая рэзалюцыя», яна ўяўляе сабой заклік, а не заканадаўчую норму.
-
«Арменія — гэта ўжо не абрабаваная вамі і вашымі партнёрамі краіна». Пашынян рашуча адказаў Лукашэнку
-
У праваслаўнай парафіі на поўдні Польшчы царкоўная ўрачыстасць ператварылася ва ўслаўленне Расіі. З пратэстам выступілі лемкі
-
Трамп заявіў, што з Іранам яго задаволіць толькі «ідэальная здзелка». А проста добрую ён мог бы заключыць проста зараз
Як рыхтаваўся візіт Ціханоўскай у Кіеў і чаму ён некалькі разоў пераносіўся12
Каментары