Вызвалены з палону баец УСУ: Нас у СІЗА везлі праз тэрыторыю Беларусі
Украінскіх ваеннапалонных вывозілі ў Расію праз тэрыторыю Беларусі. Пра гэта «Настоящему времени» распавёў вызвалены ў выніку вялікага абмену 4 лютага Максім Калеснікаў.
Максім Калеснікаў стаў вядомы дзякуючы фота, дзе ён адразу пасля абмену есць яблык і прызнаецца, што ўпершыню за год есць свежую садавіну.
— Два дні, так, начавалі на тэрыторыі Беларусі, павезлі нас праз яе. Паколькі нас узялі ў палон на поўначы Кіеўскай вобласці, там, дзе ў нас былі баі на першапачатковым этапе. 20 сакавіка мы трапілі ў палон, а 21 і 22 сакавіка мы правялі на тэрыторыі Беларусі, — распавёў Калеснікаў.
Мужчына трапіў у палон у сакавіку 2022 года і прабыў там 11 месяцаў. Утрымлівалі яго ў СІЗА ў Бранскай вобласці. Кажа, за ўвесь гэты час ім ні разу не давалі садавіны.
Калеснікаў кажа, што ў расійскім палоне знаходзіцца шмат цывільных украінцаў, яны не трапляюць у абменны фонд таму, што ў іх няма статусу ваеннапалонных.
— Проста для параўнання прапорцыі: знаходзіліся ў камеры ў следчым ізалятары з 14 чалавек першага складу маёй камеры — чацвёра вайскоўцаў і дзесяць цывільных.
«Засяроджуся на працы з ЗША». Ціханоўскі расказаў пра свае палітычныя планы на 2026 год22
Каментары