Ілан Маск паабяцаў пазначаць у Twitter усіх, у тым ліку сябе, хто будзе распаўсюджваць хлусню на платформе
Пры гэтым дакладных крытэрыяў для вызначэння праўды і хлусні мільярдэр не абазначыў.
Мільярдэр і ўладальнік Twitter Ілан Маск 27 красавіка напісаў у сваім акаўнце, што будзе даваць спецыяльную пазнаку ўсім, хто будзе распаўсюджваць ілжывую інфармацыю на платформе.
У спіс патэнцыйных хлусоў ён у тым ліку ўключыў журналістаў, рэкламадаўцаў, лідараў краін і нават самога сябе.
Такім чынам Маск вырашыў адрэагаваць на крытыку аднаго з журналістаў у адрас вядомага звольненага тэлевядучага Такера Карлсана, які займаўся прасоўваннем расійскай прапаганды і фэйкаў.
«Любы, хто робіць ілжывыя заявы ў Twitter, будзе спецыяльна пазначаны супольнасцю. Будзь гэта я, вы, рэкламадаўцы, Такер, ды хоць сам кіраўнік дзяржавы. Ніякіх выключэнняў», — напісаў мільярдэр, каментуючы крытыку аднаго з журналістаў у адрас Такера Карлсана.
Пры гэтым Маск не абазначыў дакладных крытэрыяў або прынцыпаў, па якіх ён ці яго платформа будуць вырашаць, што будзе праўдай, а што хлуснёй.
Разам з тым у сацсетцы было заўважана іншае: напрыклад, зняцце абмежаванняў з твітар-акаўнтаў расійскіх уладаў і прапагандыстаў, а таксама зніжэнне рэйтынгаў любых публікацый пра вайну ва Украіне.
Апроч гэтага, у шматлікіх вядомых асоб і незалежных СМІ, у тым ліку і ў «Нашай Нівы», зніклі сінія верыфікацыйныя птушкі, а ў профілях памерлых людзей, наадварот, раптам з'явіліся.
Сацсетка Twitter стала ўразлівай для расійскіх троляў пасля рэформаў Ілана Маска
99% расійскіх фэйкавых акаўнтаў сацсеткі пакідаюць некранутымі — сакрэтныя дакументы ЗША
Ілан Маск збірае каманду для запуску новага стартапа па стварэнні прасунутых сістэм штучнага інтэлекту. Пры гэтым зусім нядаўна ён публічна выступаў супраць падобнага
Цяпер чытаюць
Герой Беларусі Марына Васілеўская нарадзіла дачку ад касманаўта Алега Навіцкага45
Каментары