«Можна нават балгаркай распілаваць». Прапагандысты пераконваюць беларусаў у бяспечнасці ядзернай зброі
У новай праграме «Дыспазіцыя» на БТ прапагандысты патлумачылі, чаму беларусам не варта асцерагацца ядзернай зброі.
Паводле незалежных даследаванняў, больш за 70% беларусаў адмоўна ставяцца да размяшчэння на тэрыторыі Беларусі ядзернай зброі.
Прапагандысты ж тлумачаць, што ўсё дзеля «мірнага неба» над Беларуссю і што гэта цалкам бяспечна.
«Падарваць заводскі тактычны боезарад проста немагчыма. Яго можна нават балгаркай распілаваць, гранату ў яго кінуць, а ён не ўзарвецца. Для ініцыяцыі падрыву патрэбны ланцужок спецыяльных дзеянняў, у тым ліку высокатэхналагічных», — пераконваюць прапагандысты.
Тое, што беларусы праз гэта становяцца мішэнню для ўдараў, прапагандысты ніяк не тлумачаць.
«Ядзерная зброя — ніякі не «парасон», які абароніць ад небяспекі. Гэта ў першую чаргу мішэнь, цэль для ўдару ў адказ. Гэта наўпрост пагроза здароўю і жыццям беларусаў. Беларусаў, якія супраць размяшчэння ядзернай зброі ў сваёй краіне. Але дыктатары ж не пыталіся іх меркавання», — заявіла лідарка беларускай апазіцыі Святлана Ціханоўская.
Размяшчэнне ядзернай зброі ў нашай краіне ўзмоцніць і без таго велізарны кантроль Расіі над Беларуссю, паводле яе.
«Гэту зброю складана будзе вывезці, яна можа стаць прадметам гандлю і агрэсіі з боку Расіі. Лукашэнка гэта разумее, але яму ўсё адно, што будзе з нашай краінай у будучыні. Наступствы гэтага будуць гадамі разграбаць беларусы.
У 1990 гадах мы з вамі зрабілі свой выбар, адмовіўшыся ад ядзернай зброі і вывеўшы яе з нашай краіны — без якіх-небудзь умоў. Таму што беларусы вывучылі ўрокі гісторыі і не хочуць другога Чарнобыля на сваёй зямлі. Мы з вамі як ніхто ведаем цану міру і бяспекі. Ужо цяпер мір і бяспека кожнага з нас пад пагрозай», — сказала Ціханоўская.
Паводле прэзідэнта Расіі Уладзіміра Пуціна, размяшчэнне ядзернай зброі ў Беларусі пачнецца пасля 7-8 ліпеня.
«Любы тып зброі масавага паражэння не можа быць абарончым»: дэпутатка Мінгарсавета стварыла петыцыю супраць размяшчэння ядзернай зброі
«Людзі прывыклі жыць у камфорце, цывілізавана, прыгожа». Вальфовіч патлумачыў, навошта Беларусі ядзерная зброя
«Разам з расійскай зброяй можа з’явіцца і расійская вайсковая база. А выперці іх будзе складана». Якія наступствы атрымае Беларусь праз размяшчэнне ядзернай зброі на сваёй тэрыторыі
Рэдкі выпадак: памілаваны беларускі палітвязень пайшоў на вайну супраць Украіны16
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары