«Možna navat bałharkaj raśpiłavać». Prapahandysty pierakonvajuć biełarusaŭ u biaśpiečnaści jadziernaj zbroi
U novaj prahramie «Dyspazicyja» na BT prapahandysty patłumačyli, čamu biełarusam nie varta aścierahacca jadziernaj zbroi.
Pavodle niezaležnych daśledavańniaŭ, bolš za 70% biełarusaŭ admoŭna staviacca da raźmiaščeńnia na terytoryi Biełarusi jadziernaj zbroi.
Prapahandysty ž tłumačać, što ŭsio dziela «mirnaha nieba» nad Biełaruśsiu i što heta całkam biaśpiečna.
«Padarvać zavodski taktyčny bojezarad prosta niemahčyma. Jaho možna navat bałharkaj raśpiłavać, hranatu ŭ jaho kinuć, a jon nie ŭzarviecca. Dla inicyjacyi padryvu patrebny łancužok śpiecyjalnych dziejańniaŭ, u tym liku vysokatechnałahičnych», — pierakonvajuć prapahandysty.
Toje, što biełarusy praz heta stanoviacca mišeńniu dla ŭdaraŭ, prapahandysty nijak nie tłumačać.
«Jadziernaja zbroja — nijaki nie «parason», jaki abaronić ad niebiaśpieki. Heta ŭ pieršuju čarhu mišeń, cel dla ŭdaru ŭ adkaz. Heta naŭprost pahroza zdaroŭju i žyćciam biełarusaŭ. Biełarusaŭ, jakija suprać raźmiaščeńnia jadziernaj zbroi ŭ svajoj krainie. Ale dyktatary ž nie pytalisia ich mierkavańnia», — zajaviła lidarka biełaruskaj apazicyi Śviatłana Cichanoŭskaja.
Raźmiaščeńnie jadziernaj zbroi ŭ našaj krainie ŭzmocnić i biez taho vielizarny kantrol Rasii nad Biełaruśsiu, pavodle jaje.
«Hetu zbroju składana budzie vyvieźci, jana moža stać pradmietam handlu i ahresii z boku Rasii. Łukašenka heta razumieje, ale jamu ŭsio adno, što budzie z našaj krainaj u budučyni. Nastupstvy hetaha buduć hadami razhrabać biełarusy.
U 1990 hadach my z vami zrabili svoj vybar, admoviŭšysia ad jadziernaj zbroi i vyvieŭšy jaje z našaj krainy — bieź jakich-niebudź umoŭ. Tamu što biełarusy vyvučyli ŭroki historyi i nie chočuć druhoha Čarnobyla na svajoj ziamli. My z vami jak nichto viedajem canu miru i biaśpieki. Užo ciapier mir i biaśpieka kožnaha z nas pad pahrozaj», — skazała Cichanoŭskaja.
Pavodle prezidenta Rasii Uładzimira Pucina, raźmiaščeńnie jadziernaj zbroi ŭ Biełarusi pačniecca paśla 7-8 lipienia.
«Luby typ zbroi masavaha paražeńnia nie moža być abarončym»: deputatka Minharsavieta stvaryła pietycyju suprać raźmiaščeńnia jadziernaj zbroi
«Ludzi pryvykli žyć u kamforcie, cyvilizavana, pryhoža». Valfovič patłumačyŭ, navošta Biełarusi jadziernaja zbroja
«Razam z rasijskaj zbrojaj moža źjavicca i rasijskaja vajskovaja baza. A vypierci ich budzie składana». Jakija nastupstvy atrymaje Biełaruś praz raźmiaščeńnie jadziernaj zbroi na svajoj terytoryi
Ciapier čytajuć
Ad BNF da HRU. Chto takaja Natalla Sudlankova, jakoj čechi zahadali pakinuć krainu4
Kamientary