Лукашэнка заяўляе, што кіраваць ядзернай зброяй будзе ён: «Ніякага вагання не будзе»
Аляксандр Лукашэнка падчас паездкі ў Мінскую вобласць пракаментаваў магчымае размяшчэнне ядзернай зброі на тэрыторыі Беларусі.
У Лукашэнкі карэспандэнты спыталі, навошта ў Беларусі ядзерная зброя.
«Расія ні да чога не імкнецца. Не ў Расіі справа», — адказаў Лукашэнка. Паводле яго, размяшчэнне ў Беларусі ядзернай зброі было яго просьбай і настойлівым патрабаваннем да расійскага боку, каб гарантаваць бяспеку Беларусі.
«Навошта гэта трэба? Каб ні адна нага нейкіх свалачэй не ішла больш на беларускую зямлю», — сказаў ён.
«І адказ будзе неадкладным. Я гэта загадзя гаварыў ужо некалькі разоў», — дадаў ён.
Падкрэсліўшы значную магутнасць той ядзернай зброі, якая будзе размешчана ў Беларусі, Лукашэнка заявіў: «Я думаю, наўрад ці камусьці захочацца ваяваць з краінай, у якой ёсць такая зброя. Гэта зброя стрымлівання».
Лукашэнка кажа, што ніякага вагання ў прымяненні ядзернай зброі ў яго не будзе.
«Не дай бог, мне давядзецца прымаць рашэнне на прымяненне гэтай зброі ў наш час. Але ніякага вагання не будзе, калі толькі супраць нас будзе агрэсія», — сказаў Лукашэнка, нібыта гэта ён будзе прымаць рашэнне пра ядзерны ўдар.
Хаця 25 мая міністр абароны Расіі Сяргей Шайгу паставіў кропку ў гэтым пытанні — ядзернай зброяй будзе кіраваць толькі Расія.
Паводле прэзідэнта Расіі Уладзіміра Пуціна, размяшчэнне расійскай ядзернай зброі ў Беларусі пачнецца пасля 7-8 ліпеня, адразу пасля падрыхтоўкі збудаванняў для яе.
Тое, што беларусы праз гэта становяцца мішэнню для ўдараў, Лукашэнка ніяк не закрануў.
«Любы тып зброі масавага паражэння не можа быць абарончым»: дэпутатка Мінгарсавета стварыла петыцыю супраць размяшчэння ядзернай зброі
«Людзі прывыклі жыць у камфорце, цывілізавана, прыгожа». Вальфовіч патлумачыў, навошта Беларусі ядзерная зброя
«Разам з расійскай зброяй можа з’явіцца і расійская вайсковая база. А выперці іх будзе складана». Якія наступствы атрымае Беларусь праз размяшчэнне ядзернай зброі на сваёй тэрыторыі
Цяпер чытаюць
22‑гадовы Віктар з-пад Клецка пратрымаўся на фронце месяц. А пасля бацькі перасварыліся, дзелячы грабавыя8
Каментары
Это понятно,что хочется порулить взрослой машиной,ну хто ж тебе даст,мальчык из колхоза? Ты ничегошеньки уже не решаешь,ты только сейчас это заметил? Это заметили все ещё в 20-м,и только ты живешь в своей розовой бурбалке. С зелёным небом. В фантазиях ты мечтаешь,что никто тебя свергать не будет.Но с желанием продлить свою колхозную дольчевиту ты слишком много принёс беды белорусам и Беларуси.
Булькай дальше своими розовыми бурбалками.