У слонімскі футбольны клуб прызначылі новага дырэктара. Гэта імгненна адбілася на сацсетках клуба
На мінулым тыдні з'явілася паведамленне, што ў футбольнага клуба беларускай Першай лігі «Слонім-2017» з'явіўся новы дырэктар. Які да футбола дачынення хоць раней і не меў, але затое мясцовы ўраджэнец.
Аляксея Нічыпара прадстаўляюць калектыву клуба. Фота: football.by
Адказнае прызначэнне атрымаў 30-гадовы Аляксей Нічыпар. Раней ён быў вядомы як сябра нацыянальнай зборнай Беларусі па лёгкай атлетыцы, дзе спецыялізаваўся на штурханні ядра. Але летась спартсмен вырашыў завяршыць кар'еру, пасля чаго ўладкаваўся на пасаду інструктарам-метадыстам раённага фізкультурна-спартыўнага клуба.
Цяпер Нічыпар прыняў прапанову стаць дырэктарам «Слоніма-2017», і можна меркаваць, што новыя трэнды, якія пасля таго праявіліся ў сацсетках клуба, маюць непасрэднае дачыненне да кадравых зменаў.
Каментары