«Ты будзеш мне міла ўсміхацца». Сын Кадырава, які моцна збіў чалавека ў СІЗА, адказаў на крытыку ў свой адрас
15-гадовы сын Рамзана Кадырава Адам, які жорстка збіў чалавека ў мясцовым СІЗА, адказаў сваім крытыкам. Па сутнасці, гэта новыя пагрозы ад сям'і Кадыравых і насмешка з тых, хто патрабуе пакарання.
Свой адказ Адам напісаў у інстаграме пасля апублікавання відэа з СІЗА і абурэння грамадскасці.
«Можаш пляткарыць, ненавідзець, зайздросціць і абмяркоўваць мяне. Але ж мы абодва разумеем, што пры сустрэчы ты будзеш мне міла ўсміхацца», — напісаў Адам Кадыраў у адказ на крытыку свайго ўчынку ў СІЗА.
25 верасня ў тэлеграм-канале кіраўніка Чачні Рамзана Кадырава з'явіўся ролік, у якім ягоны 15-гадовы сын Адам жорстка збівае зняволенага мужчыну ў СІЗА. Сцвярджаецца, што гэта быў расіянін Мікіта Журавель, абвінавачваны ў публічным спаленні Карана і спецыяльна дастаўлены для пакарання ў Чачню.
Сам Кадыраў высока ацаніў паводзіны свайго сына і паспеў прыгразіць блогерцы Ксеніі Сабчак наступствамі, калі яна будзе працягваць пісаць пра яго сям'ю.
Ролік пра збіванне чалавека ў СІЗА непаўналетнім сынам аўтарытарнага чачэнскага кіраўніка выклікаў моцнае абурэнне і сярод звычайных расійскіх грамадзян, і сярод праваабаронцаў, і нават сярод крамлёўскіх прапагандыстаў. Адным з аргументаў апошніх супраць падобных дзеянняў на відэа было тое, што «ўлады краіны не павінны так проста дзяліцца манаполіяй на гвалт, бо гэта прывядзе да паўтарэння падзей, падобных да вагнераўскага мяцяжу».
Але сам Крэмль у сітуацыі з сынам Кадырава вырашыў адмаўчацца. «Не хачу», — сказаў Дзмітрый Пяскоў журналістам на просьбу пракаментаваць сітуацыю.
«Наша Нiва» — бастыён беларушчыны
ПАДТРЫМАЦЬЦяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам18
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары