Сенат ЗША заблакаваў пытанне аб дапамозе Украіне. Байдэн назваў гэта «палітычным шантажом»
«За» прагаласавала толькі 49 сенатараў пры мінімальна патрэбных 60 галасоў.
Законапраект аб аказанні дапамогі Украіне, Ізраілю і Тайваню не прайшоў працэдурныя галасаванні ў Сенаце Кангрэса ЗША, піша «Украінская праўда».
Для вынясення законапраекта на галасаванне ён павінен быў атрымаць хаця б 60 галасоў са 100.
«За» прагаласавалі толькі 49 сенатараў.
20 кастрычніка прэзідэнт Джо Байдэн звярнуўся да Кангрэса ЗША з запытам амаль на 105 мільярдаў даляраў на фінансаванне дапамогі Украіне, Ізраілю і бяспекі межаў ЗША.
Самы вялікі запыт Байдэна ў гэтым пакеце — больш за 61 мільярд долараў — прадугледжаны для Украіны.
Акрамя гэтага, Байдэн таксама заклікаў вылучыць дадаткова 14,3 мільярда даляраў для Ізраіля, яшчэ 2 мільярды даляраў для бяспекі Тайваня і Інда-Ціхаакіянскага рэгіёна і крыху больш за 9 мільярдаў даляраў на гуманітарную дапамогу.
«Гэта палітычны шантаж, самы сапраўдны і просты. Стаўкі занадта высокія, а наступствы — занадта значныя для палітычных гульняў», — адрэагаваў на гэта Байдэн.
Каментары