Мінскія ўлады супраць, каб пасажыраў у маршрутках перавозілі стоячы
Прадпрыемства «Сталічны транспарт і сувязь» не падтрымлівае прапанову шэрагу прыватных аператараў маршрутных таксі дазволіць перавозку пасажыраў стоячы. Як заявіў агенцтву «Мінск-Навіны» дырэктар прадпрыемства Юрый Супрановіч, такая ж пазіцыя і ў заказчыка перавозак — Мінгарвыканкама.
Дзяржаўны аператар маршрутак лічыць, што прыняцце такога рашэння негатыўна адаб'ецца на бяспецы перавозак пасажыраў.
«Больш за тое, мы выступаем за абавязковае выкарыстанне рамянёў бяспекі ў гэтых транспартных сродках. І будзем хадайнічаць аб павышэнні кантролю за дзейнасцю перавозчыкаў з гэтай нагоды», — падкрэсліў Юрый Супрановіч.
Паводле яго слоў, прадпрыемства ўсё часцей атрымлівае звароты грамадзян, занепакоеных адсутнасцю рамянёў бяспекі ў маршрутных таксі.
Прапанова дазволіць перавозку пасажыраў у маршрутках стоячы прагучала на рэспубліканскай нарадзе прадстаўнікоў улады і перавозчыкаў 19 студзеня. Улады абяцалі гэтую прапанову разгледзець. Цяпер такая перавозка лічыцца парушэннем.
Цяпер чытаюць
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?12
Каментары