Выставу, прысвечаную Малевічу, закрылі праз тры дні: «тэхнічныя прычыны»
1 лютага 2024 года ў Мінску адкрыўся выставачны праект «1,10 КВАДРАТА», прысвечаны 110-годзю «Чорнага квадрата» Казіміра Малевіча. А сёння Палац мастацтваў паведаміў пра часовае закрыццё выставы «па тэхнічных прычынах». Першапачаткова паведамлялася, што праект будзе працаваць да 3 сакавіка.
На спыненай выставе прадстаўлены жывапіс, графіка, скульптура, шкло, кераміка, метал, фатаграфія, арт-аб’екты. У праекце прымаюць удзел сябры Беларускага саюза мастакоў з Мінска і ўсіх рэгіёнаў Беларусі, дызайнеры, творчая моладзь, усе зацікаўленыя тэмай творцы.
«Чорны квадрат» — гэта візуальнае выказванне К. Малевіча, намёк сучаснікам мастакам і інтэлектуальнай публіцы, што рэалізм у мастацтве паняцце не адназначнае і ўтрымлівае ў сабе невычэрпныя магчымасці і асацыятыўныя кампазіцыйна-вобразныя рашэнні. Квадрат — гэта ўсяго толькі знак, сімвал руху ў прастору новых рэальнасцяў у мастацтве», — напісана ў анонсе выставы.
На думку арганізатараў, выставачны праект спрабуе прасачыць сённяшнюю «лінію жыцця» «Чорнага квадрата» — на ўзроўні ідэі, формы, знака, матыву, сімвалічнага прадмета.
«Галоўнае ў выставе — нават не тэма, зададзеная куратарамі, а сам дух наватарства ў творчасці, які працягвае ідэі Казіміра Малевіча», — пісалі яны.
Ці працягне працу выстава з «духам наватарства», пакуль невядома.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары