Грамадства1818

Стала вядома, якія праграмы закрые «Белсат»

Пра змены на тэлеканале расказаў падчас прэс-канферэнцыі кіраўнік «Белсата» Аляксей Дзікавіцкі.

Асноўнае прыводзіць агенцтва «Позірк».

Кіраўнік «Белсата» Аляксей Дзікавіцкі. Фота: «Позірк»

«Мы мусім адмовіцца ад часткі праектаў, якія яшчэ не пачалі, на шчасце. Таксама некаторыя праекты рабіць радзей, а ад некаторых адмовіцца», — сказаў Дзікавіцкі.

І ўдакладніў:

«Штотыднёвыя перадачы будуць выходзіць радзей, плануецца скараціць выдаткі на канкрэтныя праграмы, не будуць працягнутыя гістарычны праект «Лабірынты», здымкі мастацкага серыяла «Працэсы».

Дзікавіцкі таксама дадаў, што яны, пэўна, не запусцяць музычныя праграмы.

Таксама, сказаў ён, «Белсат» адмовіцца ад тэставых выпускаў новых праектаў на ютубе.

Рускамоўныя праграмы «Белсата» пачнуць выходзіць таксама на міжнародным канале TVP World (ён, як і «Белсат», уваходзіць у структуру Польскага тэлебачання) у англамоўным тлумачэнні.

У 2023 годзе «Белсат», асноўнай крыніцай фінансавання якога з’яўляюцца сродкі ад МЗС Польшчы, атрымаў ад ведамства 63 млн злотых (каля 15,8 млн даляраў на сёння). На цяперашні год гэтая сума скарочана да 40 млн (трохі болей за 10 млн).

Паволе Дзікавіцкага, пачаўся пошук іншых донараў сродкаў, акрамя МЗС Польшчы. Сітуацыя з фінансаваннем «можа пераламіцца ў другой палове гэтага года», мяркуе кіраўнік медыя.

«Калі я гляджу на бюджэт, які ўжо абрэзаны, на сёння нам, каб захаваць самае каштоўнае, што ў нас ёсць, — калектыў і нашую разнароднасць — нам не хапае каля 10-11 млн злотых», — заявіў ён.

На сёння на «Белсаце» працуе агулам каля 300 чалавек. «Калі б быў толькі інфармацыйны канал, то хапіла б паловы гэтага персаналу», — удакладніў Дзікавіцкі.

Ён пракаментаваў таксама новыя патрабаванні да тэлеканала з боку МЗС Польшчы:

«Жаданні такія, што… Яны былі адным сказам мне асабіста сказаныя, што сетка «Белсата» павінна быць больш прывабнай, — дадаў ён. — Але гэта агульныя словы. Я не ведаю, што такое прывабная. Для мяне вельмі прывабнай была б сетка вяшчання, дзе б ад раніцы да вечара быў хэві-метал і хард-рок. Для майго сваяка — рыбалка. Для кагосьці — Віталь Цыганкоў каб быў цэлы дзень, а яшчэ для кагосьці — дакументальнае кіно. Таму гэта няяснае патрабаванне. Спадзяюся, такая размова яшчэ будзе».

Каментары18

  • Nax
    20.03.2024
    "Rasiejskamoŭnyja peradačy zastanucca". Dalej biez mianie.
  • даведка
    20.03.2024
    На канале «Белсат» одни и те же персонажи кочуют (явно не без гонорара) по кругу из программы в программу.
  • 666
    20.03.2024
    Моцна не хапае перадач для ЛГБТ-моладзі, па гісторыі крэсаў, спартыўных трансляцый, перадач для вернікаў, польскай мовы і фільмаў для дарослых пасля поўначы. Таксама кей-попа, дорам і анімэ.

Цяпер чытаюць

На Мазырскім нафтаперапрацоўчым заводзе прайшлі затрыманні сярод кіраўніцтва1

На Мазырскім нафтаперапрацоўчым заводзе прайшлі затрыманні сярод кіраўніцтва

Усе навіны →
Усе навіны

Выкладчыку БДУ запрасілі ў Азербайджане 19 гадоў зняволення14

Новая мікрахвалевая сістэма абясшкоджвае раі дронаў за секунды6

«Голас Амерыкі» можа аднавіць вяшчанне на наступным тыдні1

Брухан пацвердзіў, што пойдзе ў спікеры Каардынацыйнай рады ад фракцыі Латушкі10

Памятаеце пару студэнткі і выкладчыка, дзе ён старэйшы на 31 год? Аказваецца, ён быў святаром, а яна вучылася на рэгентку31

Серб Вучыч і славак Фіца раптоўна прыхварэлі. Іх удзел у парадзе ў Маскве пад пытаннем10

Зяленскі: Украіна не можа гарантаваць бяспеку сусветных лідараў, якія прыедуць у Маскву на парад 9 мая19

Над Чорным морам драматычна збілі расійскі самалёт Су-308

Беларус трапіў у рабства ў Дагестане. Калі ўцёк, трапіў на вайну — а цяпер ва ўкраінскі палон7

больш чытаных навін
больш лайканых навін

На Мазырскім нафтаперапрацоўчым заводзе прайшлі затрыманні сярод кіраўніцтва1

На Мазырскім нафтаперапрацоўчым заводзе прайшлі затрыманні сярод кіраўніцтва

Галоўнае
Усе навіны →

Заўвага:

 

 

 

 

Закрыць Паведаміць