Дырэктарка «Белсата»: Мяне звольнілі па дысцыплінарным артыкуле
Пра новыя акалічнасці свайго звальнення датуль нязменная дырэктарка тэлеканала «Белсат» Агнешка Рамашэўская-Гузы распавяла ў фэйсбуку.
Агнешка Рамашэўская-Гузы піша, што яе звольнілі па дысцыплінарным артыкуле.
«Ну, так бы мовіць, маё звальненне было «паглыблена», і сёння мяне звольнілі дысцыплінарна ў неадкладным парадку і, вядома, без якога-небудзь паведамлення», — напісала яна.
Яна кажа, што ўчора, калі здавала абсталяванне ў будынку TVP, яе «канваяваў» сам начальнік Упраўлення бяспекі TVP. «І ў канцы ўручылі дысцыплінарку. Гэта значыць, як я разумею, яны палявалі, палявалі, пакуль, нарэшце, не вырашылі, што яны нешта напалявалі», — дадала яны.
Агнешка Рамашэўская-Гузы лічыць, што гэта помста за тое, што яна не дазваляе сябе «ні купіць, ні закрыць сабе рот».
Яна дадае, што ў сувязі з судовым пазовам з TVP можа нават будзе вымушана абвясціць публічны збор. «Таму што грошай у мяне зусім не будзе, я не ведаю дакладна, як гэта, але я думаю, што нават за сакавік мне не заплацяць у поўным абʼёме», — дадала яна.
Агнешку Рамашэўскую-Гузы 12 сакавіка пасля 17 год кіравання «Белсатам» звольнілі з пасады дырэктаркі. Пры гэтым ёй нібыта спярша прапанавалі звольніцца па ўласным жаданні і «з залатым парашутам», то-бок на вельмі добрых умовах, але жанчына на гэта не пагадзілася.
Кіраўніком «Белсата» стаў Аляксей Дзікавіцкі.
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары