У Брэсце закрылі рэстаран, бо ўладальнікі развялі ў ім антысанітарыю
У адным з брэсцкіх рэстаранаў ежу гатавалі з прадуктаў са скончаным тэрмінам прыдатнасці, а захоўвалі сыравіну ў забруджанай скрыні. Пасля выяўлення гэтых і іншых парушэнняў установу закрылі, паведаміў Камітэт дзяржкантролю.
Падчас праверкі было выяўлена, што ў гэтым рэстаране выкарыстоўвалі сыравіну і харчовую прадукцыю з парушэннем цэласнасці ўпакоўкі. Да таго ж прадукты былі без маркіроўкі і неабходных дакументаў, якія пацвярджалі б іх якасць і бяспеку для ўжывання.
Была таксама прадукцыя, якая ўжо страціла таварны выгляд. Частку сыравіны захоўвалі ў забруджанай скрыні, якая стаяла ў праходзе.
У выніку ўстанову прымусова закрылі.
Каментары