Эканоміка22

«Белавія» спрабавала закупіць новыя самалёты, але кітайскія дарагія, а расійскія непрыдатныя для далёкіх палётаў

Закупіць заходнія, нават патрыманыя, самалёты пакуль не атрымліваецца праз санкцыі. Пра гэта піша «Белпол» са спасылкай на афіцыйныя дакументы.

belavia Белавія Белавиа
Фота: belavia_official / Telegram

Днямі гендырэктар авіякампанія «Белавія» Ігар Чаргінец заявіў, што, нягледзячы на санкцыі, кампанія не мае праблем з запаснымі часткамі і гарантуе бяспеку палётаў.

Разам з тым, згодна з дакументамі, якія дастаў «Белпол», санкцыі значна ўскладнілі працу «Белавія».

Апошнія самалёты былі закуплены ў 2020 годзе ў лізінг. Цяпер запыты на закупку марак Boeing, Airbus і Embraer ці ігнаруюцца, ці за іх патрабуюць 100% перадаплату, што пагражае замарожваннем сродкаў. Як вынікае з дакументаў, у авіякампаніі такіх сродкаў няма.

«Белавія» накіравала звыш 70 запытаў лізінгавым кампаніям, але яны адмовіліся ад супрацоўніцтва. Былі звароты да ўладальнікаў патрыманых самалётаў у Таджыкістане, Кыргызстане, Кітаі, ААЭ, Турцыі, Сінгапуры, Узбекістане і Манголіі. Але і яны адмовіліся.

Адзінай краінай, якая прапанавала супрацоўніцтва, быў Кітай. Але ў гэтым выпадку сама «Белавія» адмовілася. Прычынай стаў высокі кошт і наяўнасць у самалётах заходніх камплектуючых, што стварыла б праблемы з тэхнічным абслугоўваннем.

Спробы набыць самалёты расійскай вытворчасці пакуль знаходзяцца на стадыі абмеркавання, бо самі авіялайнеры толькі плануюцца да серыйнай вытворчасці. У лепшым выпадку іх пастаўкі могуць адбыцца ў 2027 годзе. І гэта пры ўмове падпісання кантракту ўжо цяпер.

Беларускі бок не ідзе на падпісанне, бо лічыць цэны завышанымі. Калі б не санкцыі, то заходнія аналагі расійскіх МС-21-310 карпарацыі «Якаўлеў» ці Sukhoi Superjet 100 абышліся б больш чым у два разы танней.

Яшчэ адной перашкодай у набыцці з'яўляецца нежаданне расійскіх лізінгавых кампаній працаваць з «Белавія». Да гэтага трэба дадаць неадпаведнасць расійскіх самалётаў заяўленым лётна-тэхнічным характарыстыкам.

Замена імпартных рухавікоў расійскімі аналагамі зрабіла гэтыя машыны цяжэйшымі і адначасова знізіла фактычную дальнасць і вышыню палёту. Таму яны непрыгодныя для палётаў у Індыю, Кітай, ААЭ і Егіпет.

Каментары2

  • Ірма
    28.06.2024
    Мне шкада Белавію, было зручна, шкада што ўсё цывілізаванай разбураецца... А палітвязняў штосьці ад гэтых санкцый менш не становіцца
    • Колькі яшчэ наіўных засталося??
      28.06.2024
      Ірма , Зручна ў тры ікса даражэй ў параўнанні з Вільнюсам лётаць?))) Без санкцый нажаль палітвязнеў было б не менш

Цяпер чытаюць

Дзе ляжыць выкуплены Статут ВКЛ? Павел Мацукевіч — пра тое, што беларусы мусяць сабе вярнуць2

Дзе ляжыць выкуплены Статут ВКЛ? Павел Мацукевіч — пра тое, што беларусы мусяць сабе вярнуць

Усе навіны →
Усе навіны

Зноў на дзве капейкі даражэе бензін

Новая тканіна можа сама награвацца больш чым на 30 градусаў, каб ратаваць у экстрэмальна халоднае надвор'е2

На гродзенскай трасе паставілі агароджу, якая ўратуе нават пры наездзе на хуткасці 130 км/г1

У Беларусі застаўся ўсяго адзін прыватны дзіцячы садок5

ГУБАЗіК затрымаў групу сектантаў «Метагалактыка»4

20-гадовая ўкраінка знікла ў Дубаі пасля «вечарынкі з шэйхамі». Зараз яна толькі варушыць вуснамі і не можа рухацца54

Следчы камітэт палохае наступствамі за святкаванне Дня Волі16

Атакаваная газавымяральная станцыя «Суджа» ў Курскай вобласці7

Каралеву бурлеску ўсёй Масквы збілі 8 сакавіка проста падчас выступу6

больш чытаных навін
больш лайканых навін

Дзе ляжыць выкуплены Статут ВКЛ? Павел Мацукевіч — пра тое, што беларусы мусяць сабе вярнуць2

Дзе ляжыць выкуплены Статут ВКЛ? Павел Мацукевіч — пра тое, што беларусы мусяць сабе вярнуць

Галоўнае
Усе навіны →

Заўвага:

 

 

 

 

Закрыць Паведаміць