Лукашэнка: Выбары выбарамі, мы іх праводзілі не аднойчы. І гэтыя правядзем
Наступныя прэзідэнцкія выбары павінны завяршыць фарміраванне абноўленай палітычнай сістэмы краіны. Аб гэтым Аляксандр Лукашэнка заявіў 10 верасня на нарадзе аб актуальных унутрыпалітычных пытаннях і падрыхтоўцы да правядзення палітычных кампаній, перадае БелТА.
У нарадзе прынялі ўдзел кіраўнікі палат парламента, кіраўнік Адміністрацыі, дзяржсакратар Рады бяспекі, старшыні ЦВК і КДБ.
«Гэтыя выбары павінны завяршыць фарміраванне абноўленай палітычнай сістэмы нашай дзяржавы», — сказаў Аляксандр Лукашэнка. У гэтым плане, паводле яго слоў, шмат ужо зроблена. Напрыклад, у палітычнай сістэме краіны ў новым канстытуцыйным статусе запрацаваў Усебеларускі народны сход, вызначаны асноўныя падыходы да яго дзейнасці. «Але нямала трэба будзе зрабіць да прэзідэнцкіх выбараў і ў прэзідэнцкія выбары», — звярнуў увагу Лукашэнка.
Самае галоўнае, па яго словах, — гэта падрыхтоўка да будучай новай пяцігодкі: «Выбары выбарамі, мы іх праводзілі не аднойчы. І гэтыя правядзем. Але трэба рыхтавацца па-сапраўднаму да наступнай пяцігодкі. З 2026 года пачынаецца новая пяцігодка. Таму мы павінны (я так мяркую) у пачатку наступнага года правесці чарговы Усебеларускі народны сход. Мы павінны прадставіць людзям стратэгію на пяцігодку і вызначыць асноўныя кірункі нашага развіцця».
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект15
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары