Расіян бамбанула з нагоды першага беларускамоўнага альбома «Пятлі прыхільнасці»
Сёмы студыйны рэліз «Пятлі прыхільнасці» пад назвай «Суперпазіцыя» выйшаў цалкам на беларускай мове. Гэта адразу зачапіла некаторых рускамоўных слухачоў. «Пятля» здрадзіла сваім слухачам з Расіі і Беларусі», — абураюцца каментатары.
Некаторых панесла яшчэ далей — у абразы і пагрозы. Так, адзін з карыстальнікаў адразу перавёў гэта ў імперскі наратыў пра тое, што беларусаў і беларускай мовы не існуе:
«Беларусы — гэта рускія, і мова ў іх руская, з местачковымі гаворкамі. А хто спрабуе даказаць, што гэта не так, ловіць фабы над галавой».
«Як шкада, што большасць слухачоў цяпер не змогуць зразумець вашы песні без перакладчыка», — скардзіліся іншыя.
Адметна, што гэта не першая падобная атака ад рускамоўнай аўдыторыі, якую вытрымлівае гурт. Першая хваля здарылася яшчэ ў 2022-м, калі музыкі пачалі ў сваіх сацыяльных сетках рабіць пасты па-беларуску.
«Змагар усё цягне да польскага шляху», «Як жа вы з Веркай Сярдзючкай за****і каверкаць рускую мову», «Капец, украінуліся», — гэта толькі частка негатыўных каментароў пад беларускамоўнымі пастамі і сінгламі.
Адметна, што амаль усе яны назіраюцца ў сацыяльнай сетцы «У кантакце», у той момант як у інстаграме, фэйсбуку ці тым жа твітары — падтрымлівальныя водгукі і ўдзячнасць за родную мову.
Цяпер чытаюць
Беларусу на 100 гадоў забаранілі ўезд у Расію — за ўдзел у мінскіх маршах 2020 года3
Каментары
клады разрые сярод дня,
каб потым рохкаць і крычаць:
«А продкі вашыя маўчаць?!
А можа, мову адняло?
Яе ж у вас і не было…»
(Беларускі паэт Анатоль СЫС)