Rasijan bambanuła z nahody pieršaha biełaruskamoŭnaha alboma «Piatli prychilnaści»
Siomy studyjny reliz «Piatli prychilnaści» pad nazvaj «Supierpazicyja» vyjšaŭ całkam na biełaruskaj movie. Heta adrazu začapiła niekatorych ruskamoŭnych słuchačoŭ. «Piatla» zdradziła svaim słuchačam z Rasii i Biełarusi», — aburajucca kamientatary.
Niekatorych paniesła jašče dalej — u abrazy i pahrozy. Tak, adzin z karystalnikaŭ adrazu pieravioŭ heta ŭ impierski naratyŭ pra toje, što biełarusaŭ i biełaruskaj movy nie isnuje:
«Biełarusy — heta ruskija, i mova ŭ ich ruskaja, ź miestačkovymi havorkami. A chto sprabuje dakazać, što heta nie tak, łović faby nad hałavoj».
«Jak škada, što bolšaść słuchačoŭ ciapier nie zmohuć zrazumieć vašy pieśni bieź pierakładčyka», — skardzilisia inšyja.
Admietna, što heta nie pieršaja padobnaja ataka ad ruskamoŭnaj aŭdytoryi, jakuju vytrymlivaje hurt. Pieršaja chvala zdaryłasia jašče ŭ 2022-m, kali muzyki pačali ŭ svaich sacyjalnych sietkach rabić pasty pa-biełarusku.
«Zmahar usio ciahnie da polskaha šlachu», «Jak ža vy ź Vierkaj Siardziučkaj za****i kavierkać ruskuju movu», «Kapiec, ukrainulisia», — heta tolki častka niehatyŭnych kamientaroŭ pad biełaruskamoŭnymi pastami i sinhłami.
Admietna, što amal usie jany nazirajucca ŭ sacyjalnaj sietcy «U kantakcie», u toj momant jak u instahramie, fejsbuku ci tym ža tvitary — padtrymlivalnyja vodhuki i ŭdziačnaść za rodnuju movu.
Kamientary
kłady razryje siarod dnia,
kab potym rochkać i kryčać:
«A prodki vašyja maŭčać?!
A moža, movu adniało?
Jaje ž u vas i nie było…»
(Biełaruski paet Anatol SYS)