У сербскім горадзе на вакзале абрынуўся бетонны казырок і накрыў дзясяткі людзей
8 чалавек загінулі і не менш за 30 атрымалі раненні з-за абвальвання бетоннага казырка на будынку вакзала ў горадзе Нові-Сад у Сербіі, піша «Радыё Свабода».
Ратавальнікі разбіраюць завал, які ўтварыўся пасля падзення — пад ім яшчэ могуць быць людзі. Міністр унутраных спраў Сербіі заявіў, што выратавальная аперацыя была «надзвычай складанай» і што яна працягнецца яшчэ як мінімум некалькі гадзін. Пад заваламі могуць знаходзіцца яшчэ два чалавекі
Адпраўленне цягнікоў з вакзала прыпынена.
Прэм'ер-міністр Сербіі Мілаш Вучыч заявіў, што гэта «адзін з самых цяжкіх дзён у пасляваеннай гісторыі Нові-Саду». Ён паабяцаў, што прычыны абрынання будуць расследаваныя, а вінаватыя панясуць пакаранне. Генеральная пракуратура Сербіі пачала расследаванне.
Чыгуначны вакзал у Нові-Садзе — буйным горадзе за 70 кіламетрах ад Бялграда, сталіцы аўтаномнага рэгіёна Ваяводзіна, — быў пабудаваны ў 1964 годзе. Нядаўна ён прайшоў капітальны рамонт і быў зноўку адкрыты ў ліпені гэтага года.
Ва ўпраўленні інфраструктуры сербскіх чыгунак удакладнілі, што бетонны навес, які абрынуўся, не быў прадметам рэканструкцыі, рамонт тычыўся даху і фасада пад і над навесам.
Цяпер чытаюць
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам8
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове22
Каментары