Аляксандр Глеб прыехаў з пралукашэнкаўскім «Марафонам адзінства» ў Мазыр
Ён заявіў журналістам, што гэтая ініцыятыва мае вялікае значэнне для згуртавання людзей, піша БелТА.
Разважаючы пра ўдзел у сённяшняй «Знакавай сустрэчы», футбаліст адзначыў, што з задавальненнем адгукнуўся на прапанову далучыцца да гэтага праекта.
«Гатовы адказаць на любыя пытанні залы. Лічу, гэта выдатна, што ў рэгіёнах арганізавалі такія мерапрыемствы, дзе можна сустракацца з людзьмі, адказваць на іх пытанні, магчыма, нешта параіць, падказаць», — падзяліўся ён сваімі думкамі.
«Марафон адзінства» — гэта серыя агітацыйных канцэртаў за Лукашэнку перад «выбарамі».
Аляксандр Глеб быў праслаўленым беларускім футбалістам, гуляў, у тым ліку, за БАТЭ, «Штутгарт», лонданскі «Арсенал» і «Барселону». Пасля сканчэння кар'еры асеў у Беларусі, рэгулярна ўдзельнічае ў праўладных мерапрыемствах.
Цяпер чытаюць
Залішняе будаўніцтва: ці можа любоў беларусаў інвеставаць грошы ў кватэры прывесці да крызісу на рынку нерухомасці?7
Каментары