Пуцін прыдумаў экзатычную версію, чаму ў 2022 годзе прыняў рашэнне адступіць ад Кіева
Расійскі прэзідэнт Уладзімір Пуцін у інтэрв'ю прапагандысту Паўлу Зарубіну расказаў, чаму амаль тры гады таму, вясной 2022 года, было прынята рашэнне адвесці расійскія войскі ад Кіева, сканцэнтраваўшыся на баявых дзеяннях на ўсходзе і поўдні Украіны. Прычына ж, вядома, у бязмежным расійскім гуманізме.
Як сцвярджае Пуцін, на фоне расійска-ўкраінскіх перамоў, якія ў той час вяліся ў Стамбуле, некаторыя еўрапейскія лідары ў размове з ім нібыта сказалі, што, маўляў, Украіне немагчыма падпісваць мірную дамову «з пісталетам каля скроні», і дзеля таго прапанавалі адвесці расійскія войскі ад Кіева.
Як ні дзіўна, такая аргументацыя нібыта падалася Пуціну пераканаўчай і ён вырашыў да яе прыслухацца:
«Было ясна, што падман цалкам магчымы. Так дзесяцігоддзямі Расію падманвалі. Тым не менш, з меркаванняў недапушчэння кровапраліцця, вайны сур'ёзнай, мы ўсё ж такі на гэта пагадзіліся і ў канцы сакавіка пачалі вывад войскаў з-пад Кіева», — заявіў Пуцін.
На самай справе няма сумневаў, што сапраўднай прычынай адводу войскаў з-пад Кіева стаў відавочны правал планаў узяць яго «за тры дні» і банальная няздольнасць расійскай арміі весці баявыя дзеянні адразу на многіх кірунках. Дзеля таго і было вырашана ахвяраваць найменш перспектыўным — паўночным. На гэтым кірунку, дарэчы, расійскія войскі наступалі з тэрыторыі Беларусі, дадзенай у якасці плацдарму Аляксандрам Лукашэнкам. Праз тэрыторыю Беларусі войскі адтуль і выводзіліся.
Тэму свайго спецыфічнага міралюбства Пуцін працягнуў і ў іншым месцы. Маўляў, Масква прапаноўвала Кіеву «пайсці» з самаабвешчаных «ЛНР» і «ДНР», і тады б, як сцвярджае расійскі прэзідэнт, баявых дзеянняў і не было б.
«Перамовы, уласна, у нас пачаліся адразу ж пасля пачатку СВА [так у Расіі называюць развязаную Крамлём вайну ва Украіне]. Першапачаткова мы сказалі тагачаснаму ўкраінскаму кіраўніцтву: людзі ў ЛНР і ДНР не хочуць быць у складзе Украіны. Выйдзіце адтуль, і ўсё, на гэтым усё скончыцца. Ніякіх баявых дзеянняў, ніякай вайны».
Што да таго, каб перамаўляцца з Украінай цяпер, то Пуцін сцвярджае, што Зяленскі нібыта «нават ва ўмовах ваеннага становішча «на перамовах» не можа нічога падпісваць у сілу сваёй нелегітымнасці». Бо, маўляў, тэрмін ягоных паўнамоцтваў скончыўся.
Для таго ж, каб спыніць вайну, Захаду нібыта дастаткова перастаць падтрымліваць Украіну. Без яго дапамогі, маўляў, «усё скончыцца праз месяц-паўтара-два».
Лукашэнка заявіў, што напачатку вайны яму тэлефанавалі генералы УСУ, якія хацелі здацца, але так і не здаліся
«Перад вайной Харыс заявіла Зяленскаму, што на Кіеў пойдуць 40 тысяч расійскіх салдат з Беларусі»
Ужо амаль палова расіян заявіла, што вайна прынесла Расіі больш шкоды, чым карысці
Лукашэнка пракаментаваў словы Зяленскага пра прапанову ўдарыць па НПЗ
Зяленскі: Лукашэнка прапаноўваў мне стукнуць па Мазырскім НПЗ, я яму кажу: «Што ты гаворыш?»
Эйсмант: Ніякіх выбачэнняў Лукашэнка Зяленскаму не прыносіў, бо прасіць прабачэння нам няма за што
Цяпер чытаюць
Галоўным спікерам Жаночага форуму ў Мінску стане расійскі крынджовы псіхолаг, які расказваў пра «памяць жаночых палавых губ»4
Каментары