Васьмікласнік выпіў на ўроку моцнае снатворнае «для дарослых» і заснуў
У сеціве з’явілася інфармацыя пра інцыдэнт: у пятніцу школьніка забрала хуткая дапамога. Прычынай ягонага дрэннага самаадчування сталі снатворныя прэпараты.
Ва ўпраўленні па адукацыі Першамайскага раёна інфармацыю пацвердзілі і ўдакладнілі, што хлопчыка даставілі ў Мінскую абласную дзіцячую клінічную бальніцу каля 11 гадзін пятніцы, пішуць Мінск-навіны.
— На ўроку матэматыкі педагог заўважыла, што вучань 8-га класа пачуваецца дрэнна: ён збялеў і вельмі хацеў спаць. Непаўналетняга адвялі ў медпункт і выклікалі хуткую дапамогу. Паводле папярэдніх даных, ён выпіў паўтары таблеткі снатворнага, якое ў школу прынёс іншы вучань, — распавялі ў раённым упраўленні па адукацыі.
Таксама паведамлялася, што школьнік нават упаў.
Цяпер самаадчуванне школьніка задавальняючае, але да 10 лютага ён застанецца пад наглядам медыкаў. Па гэтым факце вядзецца праверка, у тым ліку з удзелам прадстаўнікоў Першамайскага РУУС. У школу выклікалі бацькоў.
Мяркуецца, што снатворным быў прэпарат «запіклон» (прадаецца як «сонекс», «самнол»), гэта вельмі моцнае снатворнае, якое выпісваецца толькі з 18 гадоў.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў34
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары