Прэзідэнт ЗША Дональд Трамп заявіў, што ён гатовы знізіць уведзеныя мыты, калі іншыя краіны змогуць прапанаваць яму нешта «фенаменальнае», піша Bloomberg. Ён таксама сказаў, што можа знізіць пошліны на кітайскія тавары ў абмен на ўхваленне Пекінам продажу TikTok.
Трамп абараняе сваю тарыфную праграму, нягледзячы на абвал фондавага рынку, заявіўшы, што ён рады зніжэнню працэнтных ставак і верыць, што эканамічныя ўзрушэнні сцішацца.
На пытанне журналістаў, ці азначае гэта, што ён разглядае магчымасць змякчэння пазіцыі, Трамп адказаў, што гэта «залежыць ад абставін» і магчымасцяў прапанаваць ЗША «нешта фенаменальнае».
Трамп паўтарыў, што, між іншым, быў бы гатовы прапанаваць Кітаю тарыфныя льготы, калі Пекін ухваліць продаж TikTok.
«Ёсць сітуацыя з TikTok, калі Кітай, магчыма, скажа: «Мы ўхвалім здзелку, але ці зробіце вы што-небудзь па тарыфах?» Тарыфы даюць нам вялікія магчымасці для вядзення перамоваў», — заявіў Трамп, адказваючы на пытанні журналістаў на борце прэзідэнцкага самалёта, які накіроўваўся ў Маямі.
У суботу, 5 красавіка, заканчваецца вызначаны амерыканцамі тэрмін для продажу гэтага бізнэсу, калі толькі Трамп не прапануе адтэрміноўку ў рамках сваіх намаганняў для дасягнення пагаднення. Ён заявіў, што яны «вельмі блізкія да пагаднення».
Трамп адзначыў, што правёў цэлы дзень у размовах з замежнымі ўрадамі і лідарамі бізнэсу па змякчэнні мытаў.
Расія і Кітай імкнуцца завербаваць служачых, звольненых адміністрацыяй Трампа
Кітай падняў пальчатку: мыты ў адказ на імпарт з ЗША будуць такімі ж
Як гандлёвая вайна Трампа можа адбіцца на сусветнай эканоміцы і Беларусі? І якая выгада з гэтага амерыканцам?
Акцыі ЗША пасля аб'яўлення Трампам гандлёвай вайны патаннелі амаль на $3 трыльёны за гадзіну
«Дзень вызвалення Амерыкі». Дональд Трамп абвясціў усяму свету гандлёвую вайну
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары