Prezident ZŠA Donald Tramp zajaviŭ, što jon hatovy źnizić uviedzienyja myty, kali inšyja krainy zmohuć prapanavać jamu niešta «fienamienalnaje», piša Bloomberg. Jon taksama skazaŭ, što moža źnizić pošliny na kitajskija tavary ŭ abmien na ŭchvaleńnie Piekinam prodažu TikTok.
Tramp abaraniaje svaju taryfnuju prahramu, niahledziačy na abvał fondavaha rynku, zajaviŭšy, što jon rady źnižeńniu pracentnych stavak i vieryć, što ekanamičnyja ŭzrušeńni ścišacca.
Na pytańnie žurnalistaŭ, ci aznačaje heta, što jon razhladaje mahčymaść źmiakčeńnia pazicyi, Tramp adkazaŭ, što heta «zaležyć ad abstavin» i mahčymaściaŭ prapanavać ZŠA «niešta fienamienalnaje».
Tramp paŭtaryŭ, što, miž inšym, byŭ by hatovy prapanavać Kitaju taryfnyja lhoty, kali Piekin uchvalić prodaž TikTok.
«Jość situacyja z TikTok, kali Kitaj, mahčyma, skaža: «My ŭchvalim ździełku, ale ci zrobicie vy što-niebudź pa taryfach?» Taryfy dajuć nam vialikija mahčymaści dla viadzieńnia pieramovaŭ», — zajaviŭ Tramp, adkazvajučy na pytańni žurnalistaŭ na borcie prezidenckaha samalota, jaki nakiroŭvaŭsia ŭ Majami.
U subotu, 5 krasavika, zakančvajecca vyznačany amierykancami termin dla prodažu hetaha biznesu, kali tolki Tramp nie prapanuje adterminoŭku ŭ ramkach svaich namahańniaŭ dla dasiahnieńnia pahadnieńnia. Jon zajaviŭ, što jany «vielmi blizkija da pahadnieńnia».
Tramp adznačyŭ, što pravioŭ ceły dzień u razmovach z zamiežnymi ŭradami i lidarami biznesu pa źmiakčeńni mytaŭ.
Rasija i Kitaj imknucca zavierbavać słužačych, zvolnienych administracyjaj Trampa
Kitaj padniaŭ palčatku: myty ŭ adkaz na impart z ZŠA buduć takimi ž
Jak handlovaja vajna Trampa moža adbicca na suśvietnaj ekanomicy i Biełarusi? I jakaja vyhada z hetaha amierykancam?
Akcyi ZŠA paśla abjaŭleńnia Trampam handlovaj vajny patańnieli amal na $3 tryljony za hadzinu
«Dzień vyzvaleńnia Amieryki». Donald Tramp abviaściŭ usiamu śvietu handlovuju vajnu
Ciapier čytajuć
17‑hadovy chłopiec žyvie ŭ padvale. Jon zaharnuŭsia ŭ čyrvona-zialony ściah, kab Łukašenka źviarnuŭ na jaho ŭvahu5
Kamientary