МЗС Кітая заявіў, што не накіроўваў сваіх вайскоўцаў для ўдзелу ў баявых дзеяннях на тэрыторыі Украіны. Па словах афіцыйнага прадстаўніка ведамства Лінь Цзяня, Пекін паслядоўна патрабуе ад сваіх грамадзян пазбягаць любой ўцягнутасці ва ўзброеныя канфлікты.
Каментар кітайскага боку быў выдадзены пасля ўчарашняй заявы прэзідэнта Украіны Уладзіміра Зяленскага, які паведаміў пра ўзяцце ў палон у Данецкай вобласці двух грамадзян Кітая. Таксама прэзідэнт Украіны адзначыў, што ўкраінская разведка валодае інфармацыяй пра прысутнасць у шэрагах расійскай арміі куды большай колькасці кітайцаў.
МЗС Украіны выклікала часовага паверанага ў справах Кітая, запатрабаваўшы тлумачэнняў і падкрэсліўшы, што ўдзел грамадзян КНР падрывае нейтралітэт Пекіна і давер да яго як да пастаяннага члена Рады бяспекі ААН.
Афіцыйны Пекін пачаў праверку гэтых звестак. Пры гэтым прадстаўнік кітайскага МЗС заявіў:
«Неабходна падкрэсліць, што ўрад Кітая заўсёды патрабуе ад сваіх грамадзян трымацца далей ад зон узброеных канфліктаў і пазбягаць любога ўдзелу ў іх, асабліва ў складзе ўзброеных сіл якога-небудзь з бакоў».
Зяленскі расказаў пра ўзяцце ў палон кітайцаў, якія ваявалі за Расію
«Сядзеў сем разоў за крадзяжы». Каларытны беларус трапіў ва ўкраінскі палон, паваяваўшы тыдзень
Украіна вярнула целы больш чым 900 загінулых вайскоўцаў
12 украінскіх ваеннапалонных з «Азова» асудзілі на тэрміны ад 13 да 23 гадоў. Яшчэ 11 — завочна
Стала вядома, што ў пакетах з лукашэнкаўскай сімволікай, якія даюць украінскім палонным перад абменам
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?20
Каментары