U Kitai zajavili, što nie adpraŭlali svaich hramadzian vajavać za Rasiju
MZS Kitaja zajaviŭ, što nie nakiroŭvaŭ svaich vajskoŭcaŭ dla ŭdziełu ŭ bajavych dziejańniach na terytoryi Ukrainy. Pa słovach aficyjnaha pradstaŭnika viedamstva Liń Cziania, Piekin paśladoŭna patrabuje ad svaich hramadzian paźbiahać luboj ŭciahnutaści va ŭzbrojenyja kanflikty.
Kamientar kitajskaha boku byŭ vydadzieny paśla ŭčarašniaj zajavy prezidenta Ukrainy Uładzimira Zialenskaha, jaki paviedamiŭ pra ŭziaćcie ŭ pałon u Danieckaj vobłaści dvuch hramadzian Kitaja. Taksama prezident Ukrainy adznačyŭ, što ŭkrainskaja raźviedka vałodaje infarmacyjaj pra prysutnaść u šerahach rasijskaj armii kudy bolšaj kolkaści kitajcaŭ.
MZS Ukrainy vyklikała časovaha pavieranaha ŭ spravach Kitaja, zapatrabavaŭšy tłumačeńniaŭ i padkreśliŭšy, što ŭdzieł hramadzian KNR padryvaje niejtralitet Piekina i davier da jaho jak da pastajannaha člena Rady biaśpieki AAN.
Aficyjny Piekin pačaŭ pravierku hetych źviestak. Pry hetym pradstaŭnik kitajskaha MZS zajaviŭ:
«Nieabchodna padkreślić, što ŭrad Kitaja zaŭsiody patrabuje ad svaich hramadzian trymacca dalej ad zon uzbrojenych kanfliktaŭ i paźbiahać luboha ŭdziełu ŭ ich, asabliva ŭ składzie ŭzbrojenych sił jakoha-niebudź z bakoŭ».
Zialenski raskazaŭ pra ŭziaćcie ŭ pałon kitajcaŭ, jakija vajavali za Rasiju
«Siadzieŭ siem razoŭ za kradziažy». Kałarytny biełarus trapiŭ va ŭkrainski pałon, pavajavaŭšy tydzień
Ukraina viarnuła cieły bolš čym 900 zahinułych vajskoŭcaŭ
12 ukrainskich vajennapałonnych z «Azova» asudzili na terminy ad 13 da 23 hadoŭ. Jašče 11 — zavočna
Stała viadoma, što ŭ pakietach z łukašenkaŭskaj simvolikaj, jakija dajuć ukrainskim pałonnym pierad abmienam
Kamientary