Бізнэсмен Куўшынаў забраў у Франака Вячоркі куплены гадзіннік і падарыў яму іншы
Галоўны дарадца Святланы Ціханоўскай Франак Вячорка паведаміў у фэйсбуку, што бізнэсмен Аляксандр Куўшынаў забраў нядаўна прададзены праз аўкцыён ягоны скандальны гадзіннік. Але пры гэтым і сам Вячорка без гадзінніка не застаўся.
«Сёння Аляксандр Куўшынаў атрымаў той самы гадзіннік за найбольшы данат на беларускія справы. Ён ахвяраваў 5000 еўра на Віленскі беларускі музей імя Івана Луцкевіча і Razam — фонд дапамогі беларусам у Літве.
Узамен ён падарыў мне новы гадзіннік — легендарны і бясцэнны «Луч» — і прадаваць яго я не збіраюся!», — напісаў Вячорка.
У красавіку мінулага года на тэлеканале «Белсат» Вячорка расказаў пра свой гадзіннік Omega Seamaster Planet Ocean коштам 5-9 тысяч даляраў:
«Мне яго падараваў чалавек, які вельмі шмат спрычыніўся да беларускай справы. Займаўся і да 2020 года, і пасля 2020-га адраджэннем беларускіх мясцінаў. Многія яго ведаюць таксама. Ну ён, напэўна, пабачыўшы, што ў мяне няма гадзінніка, проста зняў свой з рукі і сказаў: вось табе, каб хутчэй вярнуцца ў Беларусь».
Гісторыя нарабіла шмат шуму. Гадзіннік Вячоркі зачапіў нават Лукашэнку.
Дарадца Святланы Ціханоўскай адрэагаваў на скандал у сацсетках.
Франак Вячорка запэўніў, што ў тым факце, што невядомы бізнэсмен падарыў яму дарагі гадзіннік, няма карупцыйнага складніку. «Гэта было яшчэ да таго, як з’явіліся ўсе офісы і кабінеты. Чалавек [, які дарыў,] не жыве ў Беларусі, не вядзе там бізнэсу, і ніяк гэта не звязана з лабіраваннем інтарэсаў», — напісаў ён у каментарах у фэйсбуку.
Пасля розгаласу ён вырашыў прадаць гадзіннік праз аўкцыён. Яго пераможцам акурат і стаў Аляксандр Куўшынаў, які набыў гадзіннік за 5 тысяч еўра. У той жа час яшчэ перад пачаткам аўкцыёна Вячорка паставіў умову, што атрыманыя грошы пойдуць не яму асабіста, а мусяць быць пералічаныя на падтрымку беларускіх арганізацый на выбар самога купца.
Аляксандр Куўшынаў расказаў, каму пойдуць грошы, аддадзеныя за гадзіннік Франака Вячоркі
Шматпакутны гадзіннік Франака Вячоркі знайшоў уладальніка
Франак Вячорка выставіў на аўкцыён свой скандальны гадзіннік
«Ён у сейфе ў бяспецы». Ці ўдалося за год прадаць скандальны гадзіннік Франака Вячоркі?
Лукашэнка выказаўся пра гадзіннік Франака Вячоркі
Франак Вячорка прапануе прадаць свой гадзіннік за $5 тысяч праз дабрачынны аўкцыён
Цяпер чытаюць
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім8
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3232
Каментары