Дзеячы культуры наракаюць, што музыкант Пятро Клюеў пазычыў у іх грошы і не аддае месяцамі
Ён не рэагуе ў сацсетках і не адказвае на званкі.
Reform.news звярнуў увагу на допіс у суполцы «Беларусы Варшавы» пра тое, што, магчыма, знік чалавек. Прычым чалавек вядомы — музыка і прадпрымальнік Пятро Клюеў. «Сябры, шукаю Пецю Клюева. Калі вы таксама яго шукаеце — ці ведаеце, дзе ён зараз, напішыце ў каментары», — напісаў карыстальнік пад нікам ArticulateCapybara657.
Высветлілася, што Пятро Клюеў залёг на дно ў сувязі з вялікай колькасцю пазыкаў. Але знік не для ўсіх, а толькі для абраных.
Інфармацыя пра выступы Клюева з’яўляецца ў закрытых чатах — напрыклад, музычны сэт выканаўцы быў анансаваны ў праграме «арыстакратычнага вечара» ў варшаўскім The Backstage Bar, там жа Пятро мусіў быў выступаць і з лекцыяй пра будучыню біткоіна.
Па словах выкладчыка Алеся Лагвінца, музыкант павінен яму каля 400 даляраў.
«Ён напісаў мне ў сацсеткі ў лютым 2025 года. Гэта было а 5-й раніцы. Пятро напісаў, што ляціць з Амерыкі, і яму пільна трэба грошы на рахунак. І што на наступны дзень, калі ён дабярэцца да Варшавы, то аддасць. Потым «наступны дзень» пераносіўся некалькі разоў. Цэлы тыдзень ён казаў, што ў шпіталі, тое ды сёе».
Пасля Клюеў перастаў адказваць на званкі.
Падобная сітуацыя і ў музыкі Алеся Плоткі. Ён паўгода назад пазычыў Клюеву суму грошай з двума нулямі «да заўтра».
«Ведаю, што ёсць людзі, якія шукаюць Пятра і сцвярджаюць пра значна большыя, сур’ёзныя сумы», — падсумоўвае Алесь.
Пятро Клюеў запэўнівае, што з ім усё ў парадку, што ён дасяжны, але, маўляў, сам не можа знайсці людзей, каб вярнуць ім грошы.
Поўная версія тэксту — на Reform.news.
Цяпер чытаюць
Усе гадаюць, чаму Месяц змяніў сваё становішча на небе. Спыталі ў астранома, што адбываецца7
Усе гадаюць, чаму Месяц змяніў сваё становішча на небе. Спыталі ў астранома, што адбываецца
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1212
Каментары