Dziejačy kultury narakajuć, što muzykant Piatro Klujeŭ pazyčyŭ u ich hrošy i nie addaje miesiacami
Jon nie reahuje ŭ sacsietkach i nie adkazvaje na zvanki.
Reform.news źviarnuŭ uvahu na dopis u supołcy «Biełarusy Varšavy» pra toje, što, mahčyma, źnik čałaviek. Pryčym čałaviek viadomy — muzyka i pradprymalnik Piatro Klujeŭ. «Siabry, šukaju Pieciu Klujeva. Kali vy taksama jaho šukajecie — ci viedajecie, dzie jon zaraz, napišycie ŭ kamientary», — napisaŭ karystalnik pad nikam ArticulateCapybara657.
Vyśvietliłasia, što Piatro Klujeŭ zaloh na dno ŭ suviazi ź vialikaj kolkaściu pazykaŭ. Ale źnik nie dla ŭsich, a tolki dla abranych.
Infarmacyja pra vystupy Klujeva źjaŭlajecca ŭ zakrytych čatach — naprykład, muzyčny set vykanaŭcy byŭ anansavany ŭ prahramie «arystakratyčnaha viečara» ŭ varšaŭskim The Backstage Bar, tam ža Piatro musiŭ byŭ vystupać i ź lekcyjaj pra budučyniu bitkoina.
Pa słovach vykładčyka Alesia Łahvinca, muzykant pavinien jamu kala 400 dalaraŭ.
«Jon napisaŭ mnie ŭ sacsietki ŭ lutym 2025 hoda. Heta było a 5-j ranicy. Piatro napisaŭ, što lacić z Amieryki, i jamu pilna treba hrošy na rachunak. I što na nastupny dzień, kali jon dabiarecca da Varšavy, to addaść. Potym «nastupny dzień» pieranosiŭsia niekalki razoŭ. Ceły tydzień jon kazaŭ, što ŭ špitali, toje dy sioje».
Paśla Klujeŭ pierastaŭ adkazvać na zvanki.
Padobnaja situacyja i ŭ muzyki Alesia Płotki. Jon paŭhoda nazad pazyčyŭ Klujevu sumu hrošaj z dvuma nulami «da zaŭtra».
«Viedaju, što jość ludzi, jakija šukajuć Piatra i śćviardžajuć pra značna bolšyja, surjoznyja sumy», — padsumoŭvaje Aleś.
Piatro Klujeŭ zapeŭnivaje, što ź im usio ŭ paradku, što jon dasiažny, ale, maŭlaŭ, sam nie moža znajści ludziej, kab viarnuć im hrošy.
Poŭnaja viersija tekstu — na Reform.news.
Ciapier čytajuć
«Adpuścicie, kali łaska, syna!» Amierykanca z amniezijaj, jaki nielehalna pryjechaŭ u Biełaruś, nie addajuć maci3
Kamientary